जनकपुरधाम, चैत ७ गते । जनकपुरधामका व्यवसायीहरुलाई अनुगमनको नाममा आतंकित नहुन वाणिज्य आपुर्ति तथा उपभोक्ता संरक्षण कार्यालय वीरगंजले आग्रह गरेका छन ।
गत ४ दिनदेखि कहिले राजश्व अनुसन्धान विभाग कार्यालय त कहिले वाणिज्य आपूर्ति तथा उपभोक्ता संरक्षण कार्यालयले अनुगमनको नाममा छापामारी गरिरहेको हल्लाले जनकपुरधाम बजार कहिले खुल्ने त कहिले बन्द हुने गरेको छ ।
जनकपुरधाम बजारमा वाणिज्य आपूर्ति तथा उपभोक्ता संरक्षण कार्यालयले अनुगमन गर्न सक्ने भन्ने पर्चा पम्पलेट बजारमा छरिएपछि व्यवसायीहरु त्रसित भई छापामारीको हाल्ला हुन बितिकै पसल बन्द गर्ने गरेका छन ।
वाणिज्य आपूर्ति तथा उपभोक्ता संरक्षण कार्यालयद्वारा जारी पम्पलेटमा यस कार्यालय वा जिल्ला प्रशासन कार्यालयबाट अनुगमन गर्दा उपभोक्ता संरक्षण ऐन २०७५ को दफा ३८ बमोजिम कसूर गरेको पाइएमा ऐनको दफा ३९ बमोजिम ५ हजारदेखि ३ लाख रुपैयासम्म कारवाही हुने भनिएको छ । तर सो पम्पलेटमा तत्काल अनुगमन गरिने लगायतका कुनै करा उल्लेख गरिएको छैन ।
ऐनको दफा ३८ मा खरीद बिजक बील राख्ने, कुनै वस्तुको कृतिम आभाव गर्न नपाउने, वस्तु तथा सेवाको वास्तविक गुणस्तर कायम राख्ने, म्याद समाप्त भइसकेको मालसमान विक्री गर्न नपाइने, निर्धारित समय र स्थानमा मात्र वस्तु विक्री वितरण गर्ने, मूल्य सूची, व्यवसाय संचालन इजाजतपत्र, स्थायी लेखा नम्बर लगायतक कुरा देखिने गरी पसलमा राख्ने, कमलसल तथा गुणस्तरहीन वस्तु विक्री वितरण वा उत्पादन नगर्ने लगायतका कुरा उल्लेख छ ।
यी कुरा विपरित कुनै पसले वा व्यवसायीले कार्य गरेमा कानून बमोजिम कारवाही हुने भनिएको छ । तर अनुगमन चाहि तत्कालै होइन नगरिने कुरा वाणिज्य आपूर्ति तथा उपभोक्ता संरक्षण कार्यालय वीरगंजले जनाएको छ ।
सो कार्यालयका निमित प्रमुख जितबहादुर भण्डारीले लोकपुकारसँग कुरा गर्दै भने जनकपुरधाम बजारमा हाम्रो कार्यालयको पर्चा पम्पलेट व्यवसायीहरुमा जुन डर त्रासको वातावरण श्रृजना गरिएको छ त्यो गलत हो । हामीले व्यवसायिक क्षेत्रलाई सुदृढ, व्यवस्थित र मर्यादित बनाउन चैत २ गते जनकपुरमा सचेतनामूलक सूचना सहितको केही पर्चा हामीले वितरण गरेका थियौं । तर ती पर्चालाई अहिले आएर गलत मनसायले वितरण गर्नु राम्रो होइन ।
उनले भने अनुगमन गर्छौ तर एक्कासी एक्लै होइन, जिल्ला प्रशासन कार्यालय अनुगमन अधिकृत, सम्बन्धित उद्योग वाणिज्य संघको प्रतिनिधिको सहभागितामा स्थानीय व्यवसायीहरुको छलफल पश्चात गर्नेछौं । जहाँसम्म छापामारीको कुरा हो हाम्रो कार्यालयले बिना कुनै उजुरी वा सूचनाको आधारमा गर्दनौं । कसैले उजुरी हालेको खण्डमा मात्रै जिल्ला प्रशासन कार्यालय र उद्योग वाणिज्य संघको अनुपस्थ्तििमा एक्कासी गर्छौ । तर जनकपुरधाम बजारका कुनै व्यवसायी विरुद्ध त्यस्तो उजुरी हामी कहाँ परेको छैन, परेको खण्डमा गर्नेछौं त्यो कुरा गोप्य नै रहनेछ ।
प्रमुख भण्डारीले भने लोकपुकारलाई भने जनकपुरधाम बजारमा हामी उद्योग वाणिज्य संघको निर्वाचन पश्चात सम्बन्धित निकायहरु र स्थानीय व्यवसायीहरुको छलफल पश्चात गर्नेछौं । यस अघि बर्दिबास, लालगढ, हरियौन बागमती लगायतका ठाउँमा अनुगमन गरेका थियौं । त्यसको असर जनकपुरधाममा पनि हुन सक्ने छ, तर व्यवसायीहरु नडराई निर्धक्क भई व्यवसाय संचालन गर्नु हुनेछ ।
यसअघि राजश्व अनुसन्धान विभाग पथलैयाले कार्यालयले पनि आफ्नो कार्यालयबाट कुनैपनि अनुगमन टोली नखटिएकोले निर्धक्क भई व्यवसाय संचालन गर्न व्यवसायीहरुलाई भनेका थिए ।
त्यस्तै जनकपुर उद्योग वाणिज्य संघले पनि एक प्रेस विज्ञप्ति जारी गरी जनकपुरधाम बजारमा अनुगमन वा छापामारीको हल्ला अफवाह मात्र रहेको भनी निर्धक्क भई व्यवसायी संचालन गर्न गराउन अनुरोध गरेका थिए । तर यसका बावजूद पनि जनकपुरधाम क्षेत्रभित्रका व्यवसायीहरु आतंकित भई पसल बन्द गर्दैै आएका छन ।
यो विषयमा आफ्नो प्रतिक्रिया दिनुहोस् !