जनकपुरधाम, चैत १ गते । सिरहाको मालपोत कार्यालयमा भएकाे बम विस्फोटमा परी ७ जना घाइते भएकाे छ ।
सिरहाको लहान स्थित रहेको मालपोत कार्यालय करिब १ बजेको समयमा विस्फोट भएको जिल्ला प्रहरी कार्यालय सिरहाका प्रहरी उपरीक्षक सुदीप घिमिरेले जानकारी दिए ।
विस्फोटमा परी घाइते भएका मध्ये एकको अवस्था गम्भीर, एकको मध्यम र पांच जना सामान्य घाइते भएका छन् । घाइतेहरूकाे उपचार स्थानीय अस्पतालमा भईरहेकाे प्रहरीले जनाएकाे छ ।
साे विस्फोटमा कार्यालयका नासु सहित सात जना घाइते भएकाे थियाे । घाइतेमध्ये धनगढीमाई नगरपालिका ४ का ३० वर्षीय दिनेश कुमार भण्डारीको अवस्था गम्भीर भएपछि थप उपचारका लागि काठमाडाै पठाइएकाेछ ।
अन्य घाइते हुनेहरुमा कार्यालयका नायब सुब्बा शिव कुमार यादव, सेवाग्राही धनगढीमाइ नगरपालिका १३ का भोला बहादुर पाछे मगर, गोलबजार नगरपालिका ४ कि फुल कुमारी ठाकुर,सोही नगरपालिका ६ कि बेचनी मगर, लक्षमि नारायण मगर, लहान नगरपालिका १६ तरेगना का लाल बहादुर बिक र भगवानपुर ३ का बद्री नारायण यादव रहेकाे प्रहरी उपरिक्षक घिमिरेले बताएका छन ।
यो विषयमा आफ्नो प्रतिक्रिया दिनुहोस् !