जनकपुरधाम, फागुन २१ गते । राज्यद्वारा मैथिली भाषालाई विभेद गरिदै आएको आरोप मैथिली साहित्यकारहरुले लगाएका छन ।
शुक्रवार जनकपुर साहित्य महोत्सवको तेश्रो दिन पहिलो सत्रमा आयोजित मैथिली मिठास भन्ने शिर्षकमा साहित्यकारहरुबीच भएको बहसमा साहित्यकार वक्ताहरुले राज्यले मात्र होइन राजनीतिकर्मी समेत व्यक्तिगत स्वार्थमा मैथिली भाषालाई विभाजित गर्दै आएको आरोप लगाए ।
कार्यक्रममा मैथिली साहित्यकार परमेश्वर कापडिले भने देशकै सबैभन्दा पुरानो आफ्नो लिपि र साहित्य भएको भाषा हो मैथिली, तर राजनीतिक आडमा यसलाई भोजपुरी, अवधि, बज्जिका र मगही लगायतका नया नयाँ नाम दिई विभाजित गरिदैछ ।
उनले भने भाषालाई मात्र होइन क्षेत्रलाई समेत राजनीतिकर्मीहरु भोट बैंकको रुपमा प्रयोग गर्न नेपालका मिथिलालाई मधेश, भोजपुरा र थारुवान लगायमा विभाजित गरेका छन । मिथिलालाई विभाजति गर्न यहींका राजनीतिकर्मीहरु भोट बैंक बनाउन मधेश लगायतका विभिन्न नाममा आन्दोलन गर्दै आएका छन ।
कार्यक्रममा साहित्यकार करुणाले झाले करीब ११ शताब्दीको इतिहास बोकेका मैथिली भाषालाई नेपाल सरकारले गरेका छन । देशमै सबैभन्दा बढी बोलिने भाषाको रुपमा मैथिली रहेको छ, विभेद गर्दै यसलाई राष्ट्रिय भाषाको सूचीमा राख्नुपर्नेमा मातृभाषाको रुपमा राखेका छन । जबकि भारतमा राष्ट्रिय भाषाको आठौं सूचीमा राखिएको छ ।
मातृभाषाको रुपमा राखेपनि यसलाई कार्यान्वयनमा ल्याउन सकेको छैन । प्रदेश भित्र हरेक मातृभाषालाई सरकारी कामकाजको भाषाको प्रयोग गर्ने भनिएको छ । तर हालसम्म यो कुरा कागजमै सिमित राखेका छन उनले आरोप लगाईन । उनले भनिन् भाषाबाट नै संस्कृतिको विकास हुन्छ । तर मैथिली भाषाप्रति हुँदै आएको प्रहारले संस्कार समेत खत्म हुदै गएको छ ।
कार्यक्रममा संस्कृत विश्वविद्यालयका उपकुलपति प्रा.डा. कुलप्रसाद कोइरालाले दक्षिण एशियामै सबैभन्दा बढी मिठास भएको मैथिली भाषा हो तर संरक्षण आभावमा विभाजन गर्न खोजिएको छ ।
उनले भने दक्षिण एशियामा भाषाको जननी संस्कृतपछि मैथिली भाषाकै दोश्रो लिपी हो तर आधुनिकता संगै यसको विकास गर्न नसकिएको कारण विलिन हुने अवस्थामा पुगेको छ ।
यो विषयमा आफ्नो प्रतिक्रिया दिनुहोस् !