जनकपुरधाम, फागुन १८ गते । बटेश्वर गाउँपालिकाको कार्यालयमा अध्यक्षलाई पक्राउ गरी कारवाही गर्न माग गर्दै स्थानीयले तालाबन्दी गरेका छन ।
सोमवार सांझ अख्तियार दुरुपयोग अनुसन्धान आयोगले छापामारी गरी गाउँपालिका अध्यक्ष डम्बर बहादुर राउतको गाडीबाट घुस वापत ८ लाख रुपैया बरामद गरेको थियो ।
छापामारीकै क्रममा फरार भएका अध्यक्ष राउतलाई तत्काल पक्राउ गरी कारवाहीको मांग गर्दै स्थानीयले गाउँपालिकाको कार्यालयमा तालाबन्दी गरेका हुन । स्थानीयले घुसखोर अध्यक्षलाई तत्काल पक्राउ गरी कारवाहीको मांग गर्दै मंगलवार बिहानैदेखि गाउँपालिकाको कार्यालयमा तालाबन्दी गरेको कारण कामकाज ठप्प हुन गएको छ ।
भवन निर्माण सम्पन्न पश्चात भुक्तानी दिने प्रयोजनका लागि अध्यक्ष राउतले सेवाग्राहीसँग अतिरिक्त रकम माग गरिरहेको भन्ने उजुरी निवेदनका आधारमा आयोगको केन्द्रिय कार्यालय टंगालबाट खटि गएको टोलीले छापामारी गर्दा उनको गाडीबाट ८ लाख रुपैया बरामद गरेको थियो ।
उक्त गाउँपालिकाका सवारी चालक विर बहादुर मगरले चलाएको प्र.२–०२–००१ झ ०००२ नम्बरको कालो रंगको स्करपियो गाडीमा ८ लाख रुपैया अतिरिक्त रकम लिई भाग्ने क्रममा जिल्लाको क्षिरेश्वरनाथ नगरपालिका ५ स्थित बाटोमा फयांकेर फरार भएको थियो ।
मंगलवार एक विज्ञप्ति जारी गरी अख्तियारले सो रकम फेला पारी सवारी चालक विरबहादुर मगर र रकम सहित गाडी नियन्त्रणमा लिई अनुसन्धान प्रक्रिया अघि बढाइएको जनाएको छ ।
यो विषयमा आफ्नो प्रतिक्रिया दिनुहोस् !