सिरहाको नरहा गाउँपालिकामा जानकी मेडिकल कलेजको सहकार्यमा नेपाली सेनाद्वारा आयोजित निशुल्क स्वास्थ्य शिविरमा करीब एक हजार स्थानीय लाभान्वित भएका छन ।
महाशिवरात्रि एवं सेना दिवसको अवसरमा गाउँपालिकाको बर्छवा स्थित जनता वनवाली उच्च माध्यामिक विद्यालयमा आयोजित सो निशुल्क स्वास्थ्य शिविरमा ५ सय ८२ महिला र ३ सय ७९ पुरुषगरि कुल ९ सय ६१ जनाले स्वास्थ्य उपचार सेवा लिएका छन ।
जानकी मेडिकल कलेजको सहकार्यमा नेपाली सेनाको २७ नंम्बर बाहिनी र बहादुर शेर गण २७ नं फिल्ड गुल्म आयोजक रहेको शिविरमा ३८ जनाको इसिजी, ४४ जनाको अल्ट्रासाउण्ड र ९२ जनाको मधुमेह (सुगर) परीक्षण गरिएको जानकी मेडिकल कलेजका प्रबन्ध निर्देशक श्रीप्रष्र्ट पाण्डेले जानकारी दिएका छन ।
उक्त शिविरमा जिल्ला स्वास्थ्य कार्यालय, जनता वनवाली उच्च माध्यामिक विद्यालय, सगरमाथा आँखा अस्पताल र जानकी मेडिकल कलेज धनुषाले सहयोग पु¥याएका थिए । शिविरमा ४१२ जनाको विस्तृत स्वास्थ्य परीक्षण, १ सय ८६ जनालाई बालरोग र ८८ लाई स्त्रीरोग तथा ४० जनालाई इएनटीसेवा उपलब्ध गराइएको पाण्डेले बताए ।
शिविरमा १ सय ५ जनाको आँखा परीक्षण र ३२ बिरामीको सर्जरी तथा ९८ इन्टरनल मेडिसिन गरिएको छ । जिल्ला अस्पताल सिरहाका २ जना चिकित्सक, जानकी मेडिकल कलेजका ६ जना चिकित्सक ५ जना नर्स , सगरमाथा आँखा अस्पातलका एक चिकित्सक, स्थानीय एक र गुल्मका एक विशेषज्ञ चिकित्सकसहितका स्वास्थ्यकर्मीको टोलीले शिविरमा सेवा पु¥याएका थिए ।
सो शिविरमा चेकजाँच तथा उपचारमा आएका बिरामीलाई पाँच लाख बराबरको औषधि वितरण गरिएको जानकी मेडिकल कलेजका प्रबन्ध निर्देशक श्रीप्रष्र्ट पाण्डेले जानकारी दिएका छन ।
प्रधानसेनापति कमाण्ड मार्ग निर्देशनमा उल्लेखित नागरिक र सेनाबीचको सम्बन्ध अभिवृद्धि गर्ने उद्देश्यले आयोजित उक्त शिविरको बाहिनीपति हेमराज केसीद्वारा शुभारम्भ गरिएको थियो ।
मध्यपूर्वी पृतनापति सुरेशकुमार कार्कीले स्वास्थ्य परीक्षण गर्न आएका स्थानीयवासीसँग अन्तरक्रिया गरेको उक्त शिविरबाट उपलब्ध गराइएको गुणस्तरीय सेवाको गाउँपालिका अध्यक्ष रामशरण यादव, प्रमुख जिल्ला अधिकारी प्रदीपराज कँडेल लगायतले निशुल्क स्वास्थ्य शिविर प्रसंशा गरेका छन ।
यो विषयमा आफ्नो प्रतिक्रिया दिनुहोस् !