जनकपुरधाम, फागुन १८ गते । धनुषाको लक्ष्मिनियाँ गाउँपालिका ३ कंचनवनस्थित गजरिया टोलमा ११ दिने संकिर्तन तथा महायज्ञ शुरु भएको छ ।
जीव कल्याण उद्देश्यले गजरिया स्थित श्रीरामजानकी मन्दिरमा फागुन १७ गतदेखि २७ गतेसम्म ११ दिने पुर्ण ब्रम्हा परमपिता परमेश्वर एवं शक्तिनाम संकिर्तन तथा महायज्ञ स्थानीयको सहयोगमा आयोजना गरिएको हो ।
फागुन १७ गते कलश यात्रा गर्दै मंगलवार १८ गतेदेखि विधिवत शुभारम्भ भएको र महाशिवरात्रिका दिनसम्म संचालन रहने छ अन्तिम दिन मन्दिर भवनको शिलान्यास गरिने जानकारी मूल आयोजक समिति श्रीराम जानकी मन्दिरका महन्थ बाबा अंगदजीले दिएका छन । सो संकिर्तन महायज्ञमा कृष्ण राधा, शिव पार्वती, राम सीता, लक्ष्मीनारायण, बजरंगवली, गणेश लगायतका हिन्दु धर्मका ५१ वटा भगवानको मूर्ति दर्शन तथा अवलोकनका लागि बनाइएको छ ।
यसका साथै महायज्ञका लागि हवन कुण्डको बनाइएको छ, मेलाको समेत आयोजना गरिएको छ । महायज्ञमा हवनका लागि बाबा जंगवीर दासको नेतृत्वमा नेपाल भारतका विभिन्न स्थानका साधु सन्तलाई बोलाइएको छ । संकिर्तन तथा महायज्ञमा बस्ने ९१ जना साधु सन्तलाई धनुषा क्षेत्र नम्बर ४ का क्षेत्रिय सदस्य विजयकुमार यादवले धोती, कुर्ता, गंजी र गमछा लगायतका वस्त्र सामाग्री सहयोग स्वरुप दान गरेका छन ।
पछिल्लो वर्ष गाउँपालिकाको वडा नम्बर १ मा आयोजना गरिएको महायज्ञमा समेत नेता यादवले आर्थिक सहयोग गरेका थिए । धर्मकर्ममा आस्था राख्ने युवा समाजसेवी समेत रहेका नेता यादवले यसअघि स्थानीय एक मन्दिरमा भगवानको मूर्ति स्थापनाको सम्पूर्ण खर्च सहयोग गरेका थिए ।
यसका साथै कोरोनाकालमा जारी लकडाउनमा प्रभावित विपन्न परिवारलाई राहत वितरण, सपहीमा आयोजित किक्रेट टुर्नामेन्टमा खेलाडीहरुलाई ड्रेस वितरण, स्थानीय युवाहरुलाई भेस्ट वितरण लगायतका सहयोग नेता यादवले गरिसकेका छन ।
यो विषयमा आफ्नो प्रतिक्रिया दिनुहोस् !