जनकपुरधाम, फागुन १७ गते । जनकपुरधाममा कुकुरको टोकाईबाट एक बालिकाको मृत्यु भएको छ ।
गएराति करीब डेढ बजेको समयमा जनकपुरधाम उपमहानगरपालिका १ दरजी टोल निवासी मोहम्मद अख्तरको १२ वर्षिय छोरी सिमरन खातुनको कुकुरको टोकाईबाट मृत्यु भएको जिल्ला प्रहरी कार्यालय धनुषाले जनाएको छ ।
प्रहरी प्रवक्ता प्रहरी नायब उपरिक्षक मकेन्द्र मिश्रले जनाए अनुसार रातिको समयमा घरबाट शौचालयका लागि निस्केको क्रममा कुकुरले शरीरको विभिन्न भागमा टोकेको कारण घटना स्थलमै बालिकाको मृत्यु भएको हो ।
उनले भने बालिका सिमरणको मानसिक सन्तुलन ठिक रहेको थिएन, कुकुरकै टोकाईबाट मृत्यु भएको घटनाको प्रारम्भिक अनुसन्धानमा देखिएको छ । शवलाई पोष्टमार्टमका लागि प्रादेशिक अस्पतालमा पठाई सकिएको छ भने कुकुरको टोकाईबाटै मृत्यु भएको हो अन्य कारणले भन्ने घटनाको अनुसन्धान भइरहेको जानकारी समेत उनले दिएका छन ।
यो विषयमा आफ्नो प्रतिक्रिया दिनुहोस् !