जनकपुरधाम, फागुन ९ गते । भान्जाको अपहरणमा आरोपमा पक्राउ परेका मामालाई धनुषालाई सार्वजनिक गरेको छ ।
आइतवार एक पत्रकार सम्मेलन गरी जिल्ला प्रहरी कार्यालय धनुषाले भान्जाको आरोपमा पक्राउ परेका मामा महोत्तरी जिल्ला पिपरा गाउँपालिका ७ निवासी लक्ष्मेश्वर दासलाई एक पत्रकार सम्मेलन गरी सार्वजनिक गरेका छन ।
हुनत घटनामा बुवाको नाम देखिएपछि नियन्त्रणमा लिइएको थियो । तर घटनामा उनको संलग्नता नदेखिएपछि बालकका बुवा रमेश दासलाई अनुसन्धानपछि छाडिएको छ ।
यसरी गरियो अपहरण
शनिवार जनकपुरधाम ७ माछा बजार नजिक कटैया चौरीमा डेरा गरी बस्दै आएका २० वर्षिय पिपरा निवासी लक्ष्मेश्वर दास आफ्नो भिनाजु रमेश दासको गाउँ नगराईन नगरपालिका ६ लगमा पुग्यो ।
लगमा पुग्ने बितिकै भिनाजु रमेशको घर नगई करीब अढाई बजेको समयमा पसल जान हिडेंका ७ वर्षिय भान्जा चन्दन दासलाई घुम्न जाउँ भनी बाटैबाट मोटरसाइकल बसाई त्यहाँबाट अपहरण गरी लगे ।
पत्रकार सम्मेलनमा घटना बारे जानकारी दिदैं प्रहरी उपरिक्षक प्रकाश रानाभाटले भने लगमाबाट लक्ष्मेश्वरले चन्दनलाई लिएर आफू बस्दै आएको डेरा मुख बाँध राखि दिए । घटनाको केही क्षणपछि चन्दन हराई रहेको दिदी नम्बरबाट लक्ष्मेश्वरलाई फोन आयो । दिदीसँगको कुराकानीपछि लगतै केही समयको अन्तरालमा ४/५ वटा विभिन्न नम्बरको सिम प्रयोग गरेर मोबाइलमा रुमाल बांधेर आवाज परिवर्तन गरी लक्ष्मेश्वरले दिदी र भिनाजुसँग एक करोड रुपैया फिरौती मांग गरे ।
यति मात्र होइन फिरौती मांगपछि नाटकीय रुपमा लक्ष्मेश्वर भिनाजुसँग मोटरसाइकलमा बसेर चन्दनलाई खोज्न विभिन्न ठाउँमा पनि घुमे । घटनाको करीब ३ घण्टापछि लक्ष्मेश्वर लग्मा स्थित प्रहरी चौकीमा भिनाजु संगै गएर बालकको अपहरणको निवेदन समेत दर्ता गराएको प्रहरी उपरिक्षक रानाभाटले बताए ।
प्रहरीलाई खबर भए लगतै प्रदेश प्रहरीको प्राविधिक टोलीको सहयोगमा फिरौती मांग गरिएका मोबाइलहरुलाई ट्रेस गर्दा जनकपुरधामको कटैया चौरीबाट फोन आएको खुल्न आएपछि खोजतलाश गर्दै जाँदा घटनाको करीब ७ घण्टापछि लक्ष्मेश्वर भाडामा बस्दै आएको सरोज ठाकुरको घरबाट बालकको उद्धार गरियो उनले बताए ।
अनुसन्धान गर्दै जाँदा बालक चन्दन राखिएको कोठा लक्ष्मेश्वरले भाडा लिएको खुल्न आएपछि, त्यसलाई तत्काल नियन्त्रणमा लिइयो । लक्ष्मेश्वर सँगै बालकको बुवा रमेश पनि रहेको कारण तिनलाई पनि अनुसन्धानको क्रममा लिइयो । तरपछि बालकका बुवा रमेशको संलग्नता नदेखिएपछि सोधपुछ पछि छाडियो ।
घटनामा संलग्न रहेको आशंकामा घरधनी सरोज ठाकुरको घरबाट एक महिलालाई समेत नियन्त्रणमा लिइएको जानकारी दिदैं ती महिला अनुसन्धानकै क्रममा रहेको कारण प्रहरीले परिचय खुलाउन चाहेन । हुनत यसअघि प्रदेश प्रहरी कार्यालयका डिआईजी धिरजप्रताप सिंहले घटनामा बुवा रमेश, मामा लक्ष्मेश्वर र अन्य एकजना सहित तीनजनालाई नियन्त्रणमा लिइएको जनाएको थियो ।
यो विषयमा आफ्नो प्रतिक्रिया दिनुहोस् !