जनकपुरधाम, माघ २१ गते । विकास निर्माणमा स्थानीय तहको कुनै भूमिका नरहेको प्रदेश २ का मुख्यमन्त्री लालबाबु राउतले दाबी गरेका छन ।
बुधवार प्रदेश सभाको आयोजित तेश्रो वार्षिकोत्सव कार्यक्रममा बोल्दै मुख्यमन्त्री राउतले भने १५ वर्षसम्म जनप्रतिनिधि विहिन पश्चात बनेको स्थानीय तहका प्रदेश भित्र कुनै विकासको काम गर्न नसकेको छैन ।
गाउँ नगर जहाँपनि जानुस जति पनि सडकको पीसीसी ढलान, मठ मन्दिर, विद्यालयको विकास निर्माण तथा पोखरी सौन्दर्यकरण लगायतका जति पनि काम छ त्यो या त प्रदेश सांसद वा प्रदेश सरकारले बनाएको देख्न पाउनु हुनेछ उनले भने ।
त्यति मात्रै होइन प्रदेश भित्रका प्रायः जसो कालेपत्रे सडक र पुल पुलेसा प्रदेश सरकारले बनाएको छ । संघीय सरकार र स्थानीय तहको भूमिका निरिह देखिएको आरोप लगाउंदै हामी जतिपनि विकासको काम गर्दा आरोप खेप्नु परिरहेको भने ।
प्रदेश सरकारले गएको तीन वर्षमा कानून निर्माण देखि विकास निर्माणमा ठूलो फड्को मारेको दाबी गर्दै उनले आउंदो १५ वर्षसम्मका लागि कामहरु आफ्नो कार्यकालमा सम्पन्न गरिसक्ने बताए ।
राजनीतिक प्रसंगको चर्चा गर्दै मुख्यमन्त्री राउतले प्रधानमन्त्री ओलीलाई संकेत गर्दै भने कुनै एक सन्की व्यक्तिको सन्कपनाको कारण मुलुक र संविधानलाई हामी समाप्त हुने दिनेवाला छैनौं ।
हजारौ जनताको बलिदानी र मधेश आन्दोलन सहित विभिन्न आन्दोलनबाट प्राप्त उपलब्धी संविधानको जगमा बनेको संघीयतालाई एक सन्की व्यक्तिले समाप्त पार्नमा लागेको छ । तर हामी लोकतान्त्रिक शक्ति मुलुक संघीयतालाई जोगाउन संघर्ष जारी राख्ने छौं ।
केही राजनीतिक दलपनि चुनावको अवसरमा छन, आँप झरेपछि खाउँला जस्तै तर त्यो तिनको दिवास्वपन हो कुनै जरुरी छैन सबै सीट तिनलाई भेटनेछ । मुख्यमन्त्री राउतले लोकतान्त्रिक शक्तिहरु एकजुट भए एक घण्टामै त्यस्ता सन्की व्यक्तिलाई उखालेर फ्याक्ने छौ ।
सभामुख सरोजकुमार यादवको अध्यक्षतामा सम्पन्न सो कार्यक्रममा प्रमुख अतिथि प्रदेश प्रमुख तिलक परियार, उपसभामुख उपमा देव र भौतिक पुर्वाधार विकास मन्त्री जितेन्द्र सोनलले पनि आफ्ना धारणा राखेका थिए ।
यो विषयमा आफ्नो प्रतिक्रिया दिनुहोस् !