वीरगञ्ज, माघ २१ गते । किसान मलको चरम आभाव खेपिरहेको बेला भन्सार र साल्ट ट्रेडिङ्गको लापरवाहीका कारण करोडौ रुपैयाको रासायनिक मल नष्ट भएको छ ।
साल्टट्रेडिङ कर्पोरेशन लिमिटेडले तेस्रो मुलुकबाट आयात गरी नेपाल भित्र्याएको ६ हजार ६ सय मेट्रिक टन रासायनिक मलमध्ये २८ करोड मूल्य बराबरको ६ हजार २५० मेट्रिक टनरासायनिक मल पानीमा भिजेर काम नलाग्ने गरी नष्ट भएको छ ।
पांच महिना अघि गएको भदौ ६ गते वीरगञ्जको सिर्सियास्थित सुक्खा बन्दरगाह भन्सार कार्यालयमा आएको भन्सार जाँचपास हुन नसक्दा पानीमा भिजेर डल्लो परी नष्ट हुन गएको भन्सार कर्मचारीले बताएका छन । करीब २८ करोड मूल्य बराबरको एक लाख २५ हजार बोरा रहेको उक्त मल काम नलाग्ने नगरी नष्ट भएकोमा कर्पोरेशनले लिन नसक्ने क्षेत्रीय प्रबन्धक अमोज लामिछानेले बताए ।
कम्पनीले आयातकर्ता स्वीस सिङ्गापुरमार्फत उक्त मल मगाएको थियो । सो मल सुक्खा बन्दरगाह भन्सार कार्यालयको ‘यार्ड’ मा भन्सार जाँचपास हुन नसक्दा जताततै फ्याकिएको अवस्थामा छ ।
उक्त मलको आपूर्तिकर्ता स्वीस सिङ्गापुरमार्फत साल्टट्रेडिङ कर्पोरेशनले भारतको कोलकाता बन्दरगाहबाट रेलमार्ग भएर वीरगञ्जको सुक्खा बन्दरगाह यार्डमा ल्याएको हो तर उक्त मल भिजेको र डल्लो परेकाले भन्सार जाँचपास गर्न अयोग्य भएको भनेर जाँचपास हुनसकेको छैन ।
सिङ्गापुर पानीजहाज मार्फत भारतको कोलकाता बन्दरगाहमा ल्याइपु¥याएको र त्यहाँ राखिएको अवस्था असार साउनतिर बङ्गालको खाडीमा आएको आँधीका कारण मल भिजेको हुनसक्ने प्रमुख लामिछानेले भने, ‘भिजेकै अवस्थामा रेलमार्गबाट वीरगञ्ज आएकाले सोको जिम्मा नेपाल सरकार र कर्पोरेशनले जिम्मेवारी लिदैन ।
यता भिजेको र डल्लो परेको सो मलको सम्पूर्ण जिम्मेवारी आयातकर्ता स्वीस सिङ्गापुरले लिनुपर्ने र उक्त मलको भुक्तानी भने सरकार तिर्न नसकिने बताइएको छ । भिजेर बिग्रिएको अवस्थामा सो मल आएकाले जाँचपास हुन नसकेको, भएपनि कुनै प्रायोजनका लागि प्रयोग योग्य भए मात्र जाँचपास गरिने सुक्खा बन्दरगाह कार्यालयका प्रमुख भन्सार अधिकृत लालबहादुर खत्रीले बताए ।
उक्त रासायनिक मल खुला आकाशमुनि रेल्वे लिक वरिपरि, गोदाम एवं यार्डमा जहीतहीँ छरिएको अवस्थामा रहेकाले यार्डभित्र अन्य सामान राख्न समस्या परेको बताइएको छ । ठूलो परिमाणमा रासायनिक मल भएकाले त्यसलाई नष्ट गर्न समस्या हुने, अयोग्य मालवस्तुको जाँचपास गर्न कानूनी प्रावधान नभएकाले त्यस्ता मललाई नष्ट गर्ने प्रक्रिया अघि बढाइएको सो कार्यालयले जनाएको छ ।
नेपाल सरकारको प्रतिबोरा १ सय ३२ रुपैया २० पैसा अनुदान रकममा आयात भई नेपाल भित्रिएको सो मल भिजेर डल्ला परेकाले किसानसम्म पुग्न सकेन । डलरमा प्रतीतपत्र खोलेर तेस्रो मुलुकबाट मल ल्याइएकाले नेपाल राष्ट्र बैंकको नियमानुसार नेपालमा मालसामान आइपुगेको देखाउनुपर्ने कानूनी प्रावधान रहेकाले भिजेको मल भारतको कोलकाता बन्दरगाहबाटै नफर्काइ आयात गरिएको बताइएको छ ।
स्थानीय व्यवसायीहरुले भन्सार कार्यालय र साल्ट ट्रेडिङ्गको लापरवाहीका कारण करोडौ रुपैया बराबरको मल नष्ट हुन गएको आरोप लगाएका छन । उनीहरुले भिजेको मल नै आयात भएको थियो भने फर्काइ दिनुपथ्र्यो थुपारेर नष्ट गर्नुको कुनै तुक छैन ।
भिजेको मल किन भित्रियाइएको भन्ने कुरामा न त भन्सार कार्यालय कुनै जवाफ न साल्ट टे«डिङ्ग सँग नै उनीहरुले आयातकर्तालाई दोष थुपार्दै पन्छिने प्रयासमा लागेका छन ।
यो विषयमा आफ्नो प्रतिक्रिया दिनुहोस् !