तीन करोडमा दुई/तीन सय गएमा केही फरक पर्दैन : प्रम ओली

जनकपुरधाम, माघ १९ गते । प्रधानमन्त्री केपी शर्मा ओलीले तीन करोड भएको जनतामा दुई÷तीन सय जना जाँदैमा नेकपा पार्टीलाई केही असर पर्दैन बताएका छन ।

सोमवार धनुषाको ढल्केवरमा आयोजित सवस्टेशन उद्घाटन कार्यक्रमलाई सम्बोधन गर्दै प्रधानमन्त्री ओलीले भने देशमा तीन करोड जनता छन त्यसमा दुई÷तीन सय जना पार्टी छाडेर जाँदैमा केही असर पर्ने छैन, जानेहरु जादै गर्छन फरक पर्दैन ।

पुष्पकमल दाहाल प्रचण्ड र माधव नेपाललाई संकेत गर्दै ओलीले भने आफू गरेको विकासको काम पचाउन नसकेका आफ्नै पार्टीका केही साथीहरु आफू बिरामी परेपछि कहिले मर्ने भन्ने प्रतिक्षामा थिए । उनीहरुले दुई÷दुई वटा किड्नी फेल भएका मान्छे पनि कहीं बाच्न सक्छ सोचका साथ मेरो मृत्युको प्रतिक्षामा थिए । तर आफू बाँचेर जनताका लागि पुनः काममा लागेपछि सरकार छाड दबाव दिदै खुट्टा तान्न थालियो । तिनीहरु आफूले पटक पटक भनिरहे दुई÷चार महिना पर्ख भनिरहंदा पनि मानेन पार्टी छाडेर भागे, के भयो आफू सरकारमै छै उनीहरु जहाँबाट आएको थियो त्यही गयो ।

“चोकटा खान गएका झोलमै डूबेर मरे” उखान भन्दै भने आफूलाई सरकारबाट हटाउन खोजेको थियो तर भयो के म जताको त्यतै छु, उनीहरु कहाँ छन । उनीहरु गएपछि संगठन दिन दिनै विस्तार हुँदै गएको छ र सरकारले विकासै विकासको फड्को मारिरहेको छ ।

नेकपाका अध्यक्ष समेत रहेका प्रधानमन्त्री ओलीले केहीको बानी नै यस्तो बनेको छ कि जे पनि विरोध गर्ने, आफू विकासको काम गर्दा पनि विरोध गर्दै आएको भने । नेताहरु मात्र होइन पत्रकारहरु पनि विरोधमा उत्रेका छन ।

उनले भने आफूले पशुपति नाथमा सुनको जलहरी हाल्न लगाएपछि परम्परा बिग्रिन्छ भनी चाँदीकै लगाउन भन्न थालियो । चाँदीको ठाउँमा सुन लगाउँदा राम्रो कामको सराहना गर्नुको सट्टा परम्परा तोड्यो पत्रकारहरुले नै विरोध गर्न थाले ।

उनले थप्दै भने आफ्नो प्रधानमन्त्री थिए आफू प्रधानमन्त्री भए, कुनै जरुरी छैन किसानको छोरा किसान, पत्रकारको छोराछोरी पत्रकार नै हुन्छ, विकासका लागि परम्परा होइन आधुनिकरण गर्दै फड्को मार्नुपर्छ न कि परम्परा गीत थाँति राखेर बस्नुपर्छ ।

एक अर्को प्रसंगमा चुनाव हुँदैन भन्ने कसैलाई भ्रम नहोस भन्दै प्रधानमन्त्री ओलीले नेता कार्यकर्ताहरुलाई भने वैशाख १७ गते तोकिएकै मितिमा निर्वाचन हुन्छ एक दिनपनि तलमाथि हुदैन ।
कार्यकर्ताहरुलाई निर्देशन दिदै भने, तपाई संगठन विस्तार र चुनावको तयारीमा लाग्नुस, हाम्रो काम देखेर आगामी चुनावमा पनि जनता हामीलाई नै अवसर दिनेछ, विरोध गर्नेहरु विरोध गर्दै जान्छ तपाईहरु दायाँबायाँ नहेरी चुनावको तयारी गर्नुस ।