जनकपुरधाम, माघ १९ गते । राष्ट्रिय गौरवको आयोजना भनिएको देशकै सबैभन्दा ठूलो क्षमता भएको ढल्केवर सब स्टेशनको प्रधानमन्त्री केपीशर्मा ओलीले एक कार्यक्रमका बीच उद्घाटन गरेका छन ।
सोमवार धनुषाको मिथिला नगरपालिका स्थित ढल्केवर विद्युत सबस्टेशनको कार्यालयद्वारा आयोजित एक कार्यक्रमका बिच प्रधानमन्त्री ओलीले मुलुककै सबै भन्दा ठुलो सबस्टेशनको उदघाटन गरेका हुन ।
प्रधानमन्त्री ओलीले मुजफ्फरपुर—ढल्केवर सवस्टेशन अन्तर्गत ४०० के.भी. जिआईएस सबस्टेशन, २२०/१३२ के.भी. स्टेशन र २२०/१३२ के.भी. सवस्टेशनको क्षमता अभिवृद्धि आयोजाको संयुक्त रुपमा उद्घान गरेका छन ।
४०० के.भी. जि.आई.एस. शवस्टेशनलाई हेटौडा—ढल्केवर—इनरुवा ४०० के. भी. सवस्टेशन आयोजना विस्तार, २२०/१३२ के.भी. सवस्टेशनलाई नेपाल भारत विद्युत प्रसारण तथा व्यापार आयोजना र २२०/१३२ के.भी. क्षमताको विद्युत वृद्धिलाई ग्रिड संचालन विभाग आयोजना रहेको छ ।
४०० के. भी. सबस्टेशन निर्माणका लागि सन २०१७ डिसेम्बर ८ तारिखमा लिन्कसन इण्डिया प्रा. लि. संग २ अर्ब २४ करोड ३० लाखमा ठेक्का सम्झौता भएको थियो भने २२०/१३२ के.भी सवस्टेशन २०७५ साउन ३१ नै चार्ज भइसकेको थियो र त्यसकै क्षमता अभिवृद्धि आयोजना अन्तर्गतको ट्रान्सफर्मर चार्ज आइतवारदेखि भएको छ । गत कात्तिक २६ गतेदेखि नै चालु रहेको सो सवस्टेशन प्रधानमन्त्रीले उद्घाटन गरेसंगै सोमवारदेखि विधिवत रुपमा ४०० के.भी. सवस्टेशन संचालनमा आएको छ ।
उद्घाटनलाई सम्बोधन गर्दै प्रधानमन्त्री ओलीले भने ढल्केवर सवस्टेशन संचालनमा आएपछि अब केही वर्षमै नेपाल विद्युतै विद्युतले झिलिमिली बन्ने छ । अब हामी विद्यूतमा पनि धनी हुनेछौं चाहे जति विद्यूत पाउन सक्छौं र भारत तथा बंग्लादेश लगायतका देशबाट विद्युत खरीद मात्र होइन विक्री समेत गर्न सक्छौं ।
उनले यो सबस्टेशनबाट ग्रिड र इनरुवा हेटौडा सवस्टेशन संचालनमा आएपछि हामीले २ हजार मेगावाटसम्म विद्युत आदानप्रदान सक्छौं जसले गर्दा देशमा मात्रै होइन विदेशमा समेत विद्युत विक्री गर्नेछौं र त्यसबाट आउने आम्दानीले मुलुकमा विकासै विकास हुन्छ ।
उनले पांच वर्षअघिसम्म १८ घण्टासम्मको लोडसेडिङले देशमा अंध्यारै अंध्यारो थियो, तर आफू प्रधानमन्त्री बनेपछि लोडसेडिङ मुक्त भएको छ । आउने दिनमा देशका कुनैपनि भाग विद्यूत विहिन हुदैन भने ।
कार्यक्रममा उर्जा मन्त्री टोपबहादुर रायमाझीले भने मन्त्रालयले सम्पूर्ण ध्यान विद्यूत तर्फ नराखेकोले अबको केही दिनमै हामीले चाहे जतिको विद्युत सस्तो र सुलभ दरमा पाउन सक्छौं ।
हाम्रै सरकारको पालादेखि मुलुक लोडसेडिङ्ग मुक्त भएको दाबी गर्दै मन्त्री रायमाझीले २ हजार मेगावाटसम्म विद्यूत उपलब्ध हुन थालेपछि हामी उपयोग मात्रै होइन बचेका विद्यूत अरु देशसँग बिक्री पनि गर्न सक्छौं उनले भने ।
सो कार्यक्रममा शहरी विकास मन्त्री प्रभु साह, महिला, बालबालिका तथा जेष्ठ नागरिक मन्त्री जुली महासेठ नेपाल विद्युत प्राद्यिकरणका प्रमुख हितमान सुवेदी लगायतका व्यक्तिहरुको पनि उपस्थिति रहेको थियो ।
यो विषयमा आफ्नो प्रतिक्रिया दिनुहोस् !