जनकपुरधाम, माघ १८ गते । विश्व सरसफाई अभियन्ता राजमान मानव र उनका टोलीलाई नेपाल पत्रकार महासंघ धनुषाले सम्मान गरेका छन ।
नगरलाई सफा बनाउने उद्देश्यले जनकपुरधाम आइपुगेका अभियन्ता राजमान मानव सहित सरसफाई टोलीमा आएका ८ जनालाई महासंघले आइतवार दोसल्ला ओढाई सम्मान गरेका हुन ।
महासंघका जिल्लाध्यक्ष अनिल मिश्रले उनी सहित उनका टोलीमा सहभागीहरुलाई फुलमाला दोसल्ला ओढाई सम्मान गरेका थिए । सो कार्यक्रममा महासंघका जिल्ला कोषाध्यक्ष अवधेश कामतले सहयोग पुरयाएका थिए ।
काठमाडौंको किर्तिपुर नगरपालिकाका अभियन्ता राजमानले नेपाल सहित विश्व सफा गर्ने लक्ष्य सहित सरसफाईका लागि करीब एक दशकदेखि अभियान संचालन गरेका छन ।
सम्मानको क्रममा संचारकर्मीहरुसँग कुरा गर्दै राजमानले कयौं पटक जनकपुरधाम आइपुगेका राजमानले भने जनकपुरधाम पहिला भन्दा बढी सफा देखिएकोमा खुशी लागेको बताए । जनकपुरधाममा डम्पिंग साइटको समस्या समाधान भइ दिएको भए अझै सफासुग्धर हुनेछ ।
शुरुमा आउंदै निकै फोहोर देखिएको जनकपुरधाम करीब ५० प्रतिशत फोहोर सफा भएको भन्दै उनले नगरपालिका अझ ध्यान पुरयाउन आवश्यक रहेको भने । राजमानले भने ‘म नेपाललाई मात्र होइन, विश्वलाई नै सफा बनाउँन चाहन्छु । फोहोर बढार्दै गर्दा देह त्याग गर्न पाउँ भन्ने इच्छा राखेको छु । २०६७ भदौंबाट सफाइ अभियानमा राजमान जुटेका हुन ।
चुपचाप निस्वार्थ भावले सडक, पाटी, पौवा, मठमन्दिर सफा गरिरहेको देशका विभिन्न ठाउँमा राजमान भेटिन्छन् । त्यो पनि कहिले कहाँ, कहिले कता । जहिल्यै पनि सेतो पोसाक, सेतै पन्जा, टोपी र मास्क लगाएर एकसुरले झाडु चलाईरहेका भेटिन्छन् । सरसफाईलाई जीवनको लक्ष्य बनाएका उनी यो साता जनकपुर आएका थिए ।
फोहोर सफा गर्दै सरसफाइ सम्बन्धी चेतना फैलाइरहेका उनी २०७८ सालसम्म नेपाल र २०८४ सम्म विश्वभरका मानिस माझ आफ्नो सन्देश पु¥याईसक्ने लक्ष्य रहेको उनले बताए । नेपालका प्रमुख शहर सहित पांच दर्जनभन्दा बढी नगरपालिका र बंगलादेश समेत पुगेर बिना कुनै लोभ लालचको निजी लगानीमा सरसफाइ चेतना फैलाइ सकेका छन ।
यो विषयमा आफ्नो प्रतिक्रिया दिनुहोस् !