जनकपुरधाम, माघ १५ गते । आफुमाथि विद्यालयको जग्गा हड्पेको लगाइएकाे आरोप निराधार रहेको जनकपुरधाम उपमहानगरपालिका वडा नम्बर ७ का वडाध्यक्ष जानकीराम साहले दावी गरेका छन् ।
बिहिवार एक पत्रकार सम्मेलन आयाेजना गरी वडाध्यक्ष साहले वडामा रहेको रामजानकी आधारभूत विद्यालयको जग्गा हड्पेर जानकी पतञ्जली योग शिविरलाई जग्गा दिएको भन्ने केही गलत तत्वले आरोप बदनियतपूर्ण तरिकाले लगाएको आराेप निराधार र गलत रहेकाे बताए ।
वडा नम्बर ७ को विद्यालयसंग जग्गाको लालपूर्जा नै नरहेको अवस्थामा आफूले कसरी विद्यालयको जग्गा हड्पे प्रतिप्रश्न गर्दै उनले एलानी पर्ती जग्गा आफुले हाेइन समाजका भरभलादमीले समाजकै सेवाका लागि दिएकाे भने ।
उनले वडामा जानकी सरोवरको पूर्वी डील तथा पश्चिमी डीलमा रहेको २ बिघा १३ कठ्ठा ५ धुर एलानी जग्गामा समाजको सहमतिमै विद्यालय र २०७० सालमा योग शिविर राख्ने निर्णय भएको दावी गरे ।
उनले विद्यालय स्थापना भएको २५/३० वर्ष भई सकेको र त्यसकाे नाममा जग्गाका लागि प्रक्रिया जारी रहेकाे जानकारी वडाका समाजकै अगुवाहरुको बैठक बसेर २०७० साल चैत १५ गते योग शिविरका लागि पोखरीको पूर्वी डीलमा जग्गा उपलब्ध गराउने सहमति अनुरूप दिइएकाे बताए ।
वडाध्यक्ष साहले भने ‘न म विद्यालयको जग्गा हड्पेको छु, न योग शिविरको नै, त्यहाँ समाजकै भलाईका लागि यो शिविर संचालनमा ल्याएको हाेर र त्यहां उपमहानगरपालिकाकाे बजेटबाट शिविरका लागि छाउनी निर्माण गरिएका हाे ।
उनले अगाडी भने ‘ शिक्षा र स्वास्थ्य सबैका लागि महत्वपूर्ण हुन्छ, मेरो वडामा एकै ठाउँमा शिक्षाका लागि विद्यालय र स्वास्थ्य दुरुस्त राख्नका लागि योग शिविर एकै ठाउँमा हुनु खुशीको विषय हो ।
गैरकानूनी रुपमा आफू विद्यालयको अध्यक्ष रहेको आरोप समेत तर्कसंग नरहेको भन्दै वडाध्यक्ष साहले उपमहानगरपपालिकाको बोर्ड बैठकबाटै निर्णय भएर आफू विद्यालयको अध्यक्ष बनेको हुं दाबी समेत गरे ।
वडाध्यक्ष साहले आफूले त्यहाँ रहेको विद्यालय, पोखरी, योग शिविरको सौन्दर्यीकरण तथा संरक्षणका लागि काम गर्दै आएको छु न कि जग्गा हड्पन भने ।
यो विषयमा आफ्नो प्रतिक्रिया दिनुहोस् !