जनकपुरधाम, पुस २१ गते । सर्लाहीमा भएको छुट्टाछुुट्टै मोटरसाइकल दुर्घटनामा परी एक हरिण र एक मानिसको ज्यान गएको छ ।
सोमवार साँझ सर्लाहीको बाग्मती नगरपालिका ३ स्थित बरहथवा सडक खण्डमा नयाँरोडबाट बरहथवातर्फ आइरहेको मोटरसाईकलको ठक्करबाट हरिणको मृत्यु भएको छ ।
हरिणलाई ठक्कर दिएपछि प्र.१–०२–०४२ प.४००९ नम्बर मोटरसाइकल पल्टिदा चालक सप्तरी कन्चनरुप नगरपालिका ११ का सुनिल थापा सामान्य र पछाडि बसेका सर्लाहीको हरिपुर नगरपालिका १ का शिब कुमार महतो समेत घाइते भएको सर्लाहीका प्रहरी प्रवक्ता मदन कुँवरले जानकारी दिएका छन ।
मोटरसाईकलको ठक्करबाट मृत्यु भएको हरिणलाई ईलाका वन कार्यालय मुर्तीयालाई जिम्मा लगाएको सर्लाही प्रवक्ता कुँवरले जनाएको छ ।
त्यस्तै जिल्लाकै बरहथवा नगरपालिका ९ पैतालिस बिग्घा स्थित मधुवनि सडक खण्डमा मोटरसाईकलको ठक्करबाट एक पैदल यात्री स्थानीय ७० वर्षीय ज्ञान बहादुर तामाङको मृत्यु भएको छ ।
बरहथवाबाट नयांरोड तर्फ आइरहेको बा.५८प.४५३१ नं को मोटरसाइकलले तामाङलाई ठक्कर दिदा हरिवनमा सामान्य उपचार पश्चात थप उपचारको लागी बिरगंज तर्फ पठाएकामा बाटोमै मृत्यु भएको प्रवक्ता कुँवरले जनाएको छ ।
ठक्कर दिने मोटरसाइकल चालक रामनगर गाउँपालिका वडा नं. १ खैर्वाका १७ वर्षीय शुसिल गिरी र पछाडि सवार बसबरिया गाउँपालिका वडा नं. ६ चोर्वाका १८ वर्षीय जयराम यादब प्रहरीको नियन्त्रणमा रहेको जिल्ला प्रहरी कार्यालय सर्लाहीले बताइएको छ ।
यो विषयमा आफ्नो प्रतिक्रिया दिनुहोस् !