जनकपुरधाम, पुस १२ गते । नेपाल कम्युनिष्ट पार्टी (नेकपा) दाहाल नेपाल समूहका स्थायी कमिटि सदस्य गणेश साहले प्रधानमन्त्री केपी शर्मा ओली भ्रष्टाचारीको मुखिया रहेको आरोप लगाएका छन ।
आइतवार नेकपा धनुषा अगुवा कार्यकर्ता भेला कार्यक्रमलाई सम्बोधन गर्दै नेता साहले प्रम ओलीको समृद्धिको नारा भनेको पुँजीपति वर्ग, दलाल र भ्रष्टाचारीहरुको संरक्षण गर्नु हो ।
प्रधानमन्त्री ओली भन्छन म भ्रष्टाचार गर्दिन, भ्रष्टाचार सहदिंन तर कुनै यस्तो दिन नै छैन जुनदिन उनी पूँजीपति वर्गको दलाल र भ्रष्टाचारलाई भेटदैनन, उहाँ भ्रष्टाचारहरुको मुखिया रहेको भन्ने कुरा कोरोना महामारीमाको नाममा भएको भ्रष्टाचारले प्रष्ट हुन्छ उनले भने ।
नेता साहले प्रम संघीयता र गणतन्त्र विरोधी मात्र नभई पार्टीको विधान तथा विचार विरोधी समेत रहेको आरोप लगाउंदै भने संघीयता धराप पार्न राजावादीहरुसँग साँठगाँठ गरेको छ र पार्टीको विधानलाई समेत लत्याई कार्य गर्दै आएको हो ।
पार्टी अध्यक्ष समेत रहेका प्रम ओलीले हजारौ जनताको शहादत र जनआन्दोलनबाट प्राप्त उपलब्धी संघीयता समाप्त पार्न राजावादीहरुसँग मिलेर संसद विघटन गराई गैरसंवैधानिक र अलोकतान्त्रिक कदम चालेर शाह वंशीय निरकुंशतालाई दोहराउन खोजेको आरोप समेत उनले लगाए ।
कार्यक्रममा केन्द्रिय सदस्य रामचन्द्र झाले संघीयता र गणतन्त्रलाई धरापमा पार्ने खोज्ने प्रम ओलीको अस्तित्व नै मेटाउने चेतावनी दिए ।
उनले भने ओली प्रधानमन्त्री मात्र होइन पार्टीको अध्यक्ष बन्ने लायक पनि होइन । उनले प्रष्टयाउंदै भने प्रधानमन्त्री भनेको देशको कार्यवाहक हो, कार्यवाहकले देशको संविधान र कानून बमोजिम नै चल्ने पर्छ । तर ओली संविधानलाई लत्याएर संसद विघटन जस्ता गैरसंवैधानिक कदम काम गर्ने व्यक्ति प्रधामन्त्री कसरी हुन सक्छ प्रति प्रश्न गरे ।
नेता झाले विधान अनुरुप पार्टीको सम्पति बहुमत भएका पक्षको अधिपत्य हुनेछ । सो अनुरुप हामी सँग बहुमत भएको कारण धनुषा र प्रदेश २ मात्र होइन देशैभरि पार्टीको नाममा सम्पति हाम्रो हुनेछ । यदि तिनीहरुले कुनै दाबी विरोध गर्न आए हामी प्रतिकार गर्न तयार छौं चेतावनी दिए ।
उनले भने विधान अनुुसार पार्टीको सबै सम्पति हाम्रो हो, पार्टी कार्यालयहरुका एक इन्च जग्गा त के कुनै सामान हामी दिन्नौं । यदि उनीहरु बलजफ्ती गर्न खोजे भने हामी लड्न तयार छौं ।
केन्द्रिय सदस्य श्रवण बरबरिया यादवको अध्यक्षतामा सम्पन्न सो कार्यक्रममा प्रदेश सभा सदस्य शत्रुध्न महतो लगायत सयौं नेता कार्यकर्ताहरुको सहभागिता रहेको थियो ।
यो विषयमा आफ्नो प्रतिक्रिया दिनुहोस् !