जनकपुरधाम, पुस १० गते । ज्यान मार्ने धम्की दिने विरुद्ध जनता समाजवादी पार्टीका युवा नेता शुशिल कर्णले जिल्ला प्रहरी कार्यालय धनुषामा उजुरी दर्ता गराएको छ ।
हिजो (बिहीवार) मोबाइलबाट केही व्यक्तिको समूहले युवा नेता कर्णलाई जथाभावी गाली गलौज गर्दै ज्यान मार्ने धम्की दिएको छ । शुक्रवार ज्यान रक्षाको मांग सहित धम्की दिने विरुद्ध कारवाहीका लागि कर्णले उजुरी (निवेदन) दर्ता गराएका हुन ।
धम्की दिने समूहले कर्णलाई अभद्र गाली गर्दै अरुण सिंघानिया घटना जस्तै हालत गरिदिने भनी ज्यान मार्ने धम्की दिएका थिए । मोबाइलबाट धम्की दिदैं ती समूहले अरुण सिघानिया घटना याद छ त्यस्तै हालत गरिदिने भनेका थिए ।
नेता कर्णलाई ९८२८०४३८८० र ९८१८८५२७३९ मोबाइल नम्बरबाट यस्तो धम्की दिएका थिए । जिप्रका धनुषाले उजुरी दर्ता गर्दै चाँडै नै त्यस्ता समूहलाई पक्राउ कानून बमोजिम कारवाही गर्ने प्रतिबद्धता जनाएको छ ।
एक दशक अघि होलीको दिन संचार उद्यमी अरुण सिंघानियालाई जनकपुरधामको शिव चौकमा गोली हानी हत्या गरिएको थियो । ती घटनामा संलग्न केही अपराधी जेल सजाय भोगिरहेका छन भने केही फरार रहेको प्रहरीले भन्दै आएको छ ।
नेता कर्णलाई अरुण सिंघानियाको घटना स्मरण गराउंदै धम्की दिने समूहको सो घटनामा संलग्ना हुन सक्ने आशंका बढेर गएको छ । घटनामा संलग्न फरार अपराधी भनिएका मध्ये ती समूह हुन कि भन्ने प्रहरीको खोजतलाशको विषय बनेको छ ।
यो विषयमा आफ्नो प्रतिक्रिया दिनुहोस् !