जनकपुरधाम, पुस ५ गते । प्रधानमन्त्री केपी शर्मा ओलीले संसद विघटन गरेर संघीयता समाप्त पार्ने अलोकतान्त्रिक चरित्र उजागर गरेको जनता समाजवादी पार्टीका नेता शेषनारायण यादवले बताएका छन ।
संसद विघटन प्रम ओलीको गैर संवैधानिक कदमलाई सदर गर्ने राष्टपति विद्यादेवी भण्डारी समेतले आफ्नो हैसियत गुमाएको आरोप उनले आरोप लगाएका हुन ।
आइतवार लोकपुकारसँग कुरा गर्दै संसद विघटन गर्ने प्रधानमन्त्री केपी ओलीको प्रस्तावलाई सदर गरेर राष्ट्रपति भण्डारीले वैशाखमा मध्यावधी घोषणा गरेर आम नेपालीको राष्ट्रपति नभएर केपी ओली गुटको एक सदस्य मात्र साबित हुन गएको बताए ।
हजारौंको आम नेपाली जनताको शहादतबाट प्राप्त उपलब्धी सखाप पार्न ओलीले अधिनायकवाद कदम चालेकाले लोकतान्त्रवादीहरु एकजुट भई प्रतिवाद गर्नुपर्ने उनले बताए ।
संसद् विघटनबाट संविधानले दिएको लोकतन्त्र, गणतन्त्र र संघीयताको उपलब्धी समाप्त पार्ने खेल भएको भन्दै लोकतन्त, गणतन्त्र तथा संघीयताको उपलब्धी जोगाउन सबै प्रधानमन्त्री र राष्टपतिको प्रतिगमनकारी कदम विरुद्ध अघि बढन आह्वान समेत नेता यादवले गरेका छन ।
प्रम ओलीको गैर संवैधानिक र अलोकतान्त्रिक कदम विरुद्ध प्रतिबादमा उत्रन हामीले सबैलाई आह्वान गर्दै विरोधका कार्यक्रमहरु सहयोग गर्न आग्रह उनले गरेका छन ।
प्रधानमन्त्रीलाई संविधान मिच्न अधिकार नरहेको भन्दै नेता यादवले संसद विघटन गराउनु भएको ठूलो अपराध हो, जनताले अपराधीको संरक्षण होइन तह लगाउनुपर्ने भएकोले प्रतिवादमा उत्रनमा सबै आम नेपाली जनतासंग अनुरोध गरेको छ ।
यो विषयमा आफ्नो प्रतिक्रिया दिनुहोस् !