जनकपुरधाम, मंसिर १ गते । छठको अवसरमा जनकपुरधामका एक वडाध्यक्षले वृद्धा र एकल महिलालाई मोबाइल, ब्लैंकेट र साडी लगायतका सामाग्री वितरण गरेका छन ।
सोमवार एक कार्यक्रम आयोजना गरी जनकपुरधाम उपमहानगरपालिका वडा नम्बर २ का अध्यक्ष शिवकुमार साह (शिवु) ले छठको अवसर पारेर ७० जना वृद्ध तथा एकल महिलालाई सिम सहितको मोबाइल, साडी, ब्लैंकेट, सेनिटाइजर र मास्क लगायतका सामाग्री वितरण गरेका हुन ।
वडाध्यक्ष साहले आफ्नै निजी खर्चमा करीब ३ हजार रुपैया बराबरको सामाग्री वितरण गरिएको बताएका छन । यसका साथै एक सय जनाभन्दा बढी छठ व्रतालु महिलालाई साडी लगायतका लताकपडा समेत वितरण गरेका छन ।
लोकपुकार सँग कुरा गर्दै अध्यक्ष साहले भने आमा सरह वृद्धाहरुको आर्शिवाद पाउन प्रत्येक वर्षझै यस वर्षपनि आफ्नो व्यक्तिगत लागानीमा विपन्न, एक्कल र बृद्धलाई महिलाहरुलाई छठ पूजाको अवसरमा सहयोग स्वरुप यी सामग्री वितरण गरिएको हो ।
अध्यक्ष साहले यसअघि पनि आफ्नो वडाका वृद्ध, एकल र विपन्न महिलालाई २०७४ मा बाबाधाम लगायत भारतको सात तीर्थस्थलमा यात्रा गराएका थिए ।
त्यस्तै २०७५ शालमा पुनः नेपालको पशुपतिनाथ, मनोकामना लगायतका स्थानमा ३ दिने धार्मिक यात्रा आफ्नै लागानीमा गराएका थिए भने २०७६ मा पनि वार्ड भित्रका महिला र वृद्धहरुलाई साड़ी र कम्बल वितरण गरिसकेका छन ।
यो विषयमा आफ्नो प्रतिक्रिया दिनुहोस् !