जनकपुरधाम, कात्तिक २५ गते । धनुषाको हँसपुर नगरापलिकामा ४ सय हेक्टर जग्गामा खेतीका लागि वर्षभरि पुग्ने गरी सिचाई योजनाको शिलान्यास गरिएको छ ।
जलश्रोत तथा सिँचाई विकास डिविजन कार्यालय जनकपुरधामको आयोजनामा आयोजित एक कार्यक्रमका बिच अरही नदी सिँचाई योजनाको प्रदेश २ भौतिक पुर्वाधार विकास मन्त्री जितेन्द्र सोनलद्वारा शिलान्यास गरिएको हो ।
हँसपुर नगरपालिका ३ कठपुल्लाको ६ सय घरधुरीका ३ हजार २ सय ५० जनाले यसको लाभ पुग्ने गरी १५ करोड ४५ लाखको लागतमा सो सिचाई योजनाको निर्माण हुन लागेको कुरा जलश्रोत तथा सिँचाई विकास डिविजन कार्यालय जनकपुरधामका प्रमुख सिनियर डिविजन ईन्जिनियर भगवान झाले बताएका छन ।
हँसपुर नगरपालिकाको सो क्षेत्रका लागि अरही नदी मुख्य सिँचाईको श्रोत रह्दै आएको छ । यो योजनाको निर्माण पूरा भएसंगै धान गहुँ लगायतका बालि उत्पादन बढाउन सहयोग पुग्ने उनको भनाई छ ।
सोही योजना अन्तर्गत २३.२ मिटरको पर्मानेन्ट वेयर स्ट्रक्चर सहित ३.३ किलोमिटर लम्बाईको मूल नहर तथा इम्बैंकमेन्ट विथ रेवेटमेन्ट स्ट्रक्चरहरु रहने छ । सो योजना आर्थिक वर्ष २०७९÷०८० सम्म सम्पन्न हुने लक्ष्य लिइएको छ ।
कार्यक्रलाई सम्बोधन गर्दै हंसपुर नगरपालिकाका मेयर रामज्ञान मण्डलले यो सिचाई योजना सम्पन्न भएपछि यहाँका किसानहरुलाई खेतीमा निकै सहयोग पुग्नेछ ।
उनले भने सिचाई पानीको आभावमा खेती गर्न किसानहरुलाई आकाशे पानीको भरपर्ने अवस्था थियो । तर प्रदेश सहकारको सहयोगमा निर्माण हुने यी सिचाई योजनाबाट हजारौं किसान लाभान्वित हुनेछ ।
जलश्रोत तथा सिँचाई विकास डिविजन कार्यालय जनकपुरधामका सिनियर इन्जिनीयर झाको अध्यक्षतामा सम्पन्न सो शिलान्यास कार्यक्रममा प्रमुख अतिथि मन्त्री सोनल, प्रदेश सांसद रामचन्द्र मण्डल, सचिव रामउदगार साह, उपमेयर रेणु झा लगायतका व्यक्तिहरुले आ आफ्ना धारणा राखेका थिए ।
यो विषयमा आफ्नो प्रतिक्रिया दिनुहोस् !