जनकपुरधाम, कात्तिक २३ गते । टीभीएसको दशैंको आशा भन्ने यस वर्ष लक्की ड्र हात पार्न जनकपुरधामका एक युवक सफल भएका छन ।
जगदम्बा मोटर्स प्रालिले चलाएको सो लक्की ड्रमा जनकपुरधाम उपमहानगरपालिका २३ निवासी रत्नेश कर्णले करीब आठ लाख रुपैया मूल्य बराबरको अपाचे आर आर ३१० मोटरसाइकल पाएका हुन ।
लक्की ड्र विजेता कर्णलाई आइतवार एक कार्यक्रम आयोजना मोटरसाइकल हस्तान्तरण गरेका हुन ।
कर्णले केही दिनअघि टीभीएस कम्पनीको स्ट्राइकर मोटरसाइकल किनेको बेला टिभिएसको वेबसाइटमा फर्म भरेका थिए । सोही अन्तर्गत उनी ७ लाख ७९ हजार ९ सय मूल्य बराबरको मोटरसाइकल लक्की ड्र विजेता बनेका हुन ।
जनकपुरधाम स्थित आरएन अटो मोबाइल्सका संचालक रामबालक महतो र अधिकारिक विक्रेकता जगदम्बा मोटर्सका जिएम दिपक रौनियारले उपहार स्वरुपको सो मोटरसाइकलको साँचो उनलाई संयुक्त हस्तान्तरण गरेका थिए ।
विजेता रत्नेशले मोटरसाइकलको साँचो ग्रहण गर्दै भने ‘आफूलाई आठ लाख रुपैया बराबरको मोटरसाइकल लकी ड्रमा परेको हो विश्वास लाग्दैन थियो, तर साँचो बुझेपछि सपना झै लाग्दछ ।
सो कार्यक्रममा जनकपुरधाम उपमहानगरपालिकाका मेयर लालकिशोर साह, जगदम्बा मोटर्स प्रालिका क्षेत्रिय अफिसर अमरेन्द्र मल्लिक, नेपाल वाणिज्य महाससंघ प्रदेश २ का अध्यक्ष शिवशंकर साह हिरा लगायतका व्यक्तिहरुको उपस्थिति रहेको थियो ।
जगदम्बा मोटर्सले टीभिएस मोटरसाइकल विक्रेतालाई प्रत्येक वर्ष दशैंको अवसरमा आशाको लक्की ड्र कार्यक्रम संचालन गर्दै जानकारी कार्यक्रमलाई सम्बोधन गर्दै जगदम्बा मोटर्सका जिएम रौनियारले जानकारी दिए ।
यो विषयमा आफ्नो प्रतिक्रिया दिनुहोस् !