जनकपुरधाम, कात्तिक २२ गते । प्रहरीले जनकपुरधामबाट एक होटल संचालक सहित ८ जना जुआडे पक्राउ गरेका छन ।
जनकपुरधाम उपमहानगरपालिका ४ स्थित राजदेवी मन्दिर पछाडि एक होटलबाट जुआ खेलिरहेको अवस्थामा नगद सहित तिनीहरुलाई धनुषा पक्राउ गरेको हो ।
प्रहरी प्रवक्ता एवं प्रहरी नायव उपरीक्षक मकेन्द्र कुमार मिश्रका अनुसार गोप्य सूचनाको आधारमा डिके होटेलबाट होटल संचालक दिलिप सहित जुआखालबाट एक लाख ६३ हजार ६ सय रुपैयाको साथमा तिनीहरुलाई पक्राउ गरिएको छ ।
अन्य पक्राउ पर्नेहरुमा जनकपुरधाम उपमहानगरपालिका ४ का गणेश साह, बेचन साह, वडा नं. १ का संजिप ठाकुर, वडा नं. २ का विनय साह, वडा नं. ५ का कैलाश प्रसाद गुप्ता, बद्री साह र शिवु मण्डल रहेको उनले जनाएको छ ।
पक्राउ परेकाहरु विरुद्ध आवश्यक अनुसन्धान प्रक्रिया अगाडि बढाइ सकिएको प्रवक्ता मिश्रले बताएका छन ।
यो विषयमा आफ्नो प्रतिक्रिया दिनुहोस् !