लहान, कात्तिक २१ गते । सिरहामा ट्रकको ठक्करबाट एक मोटरसाइकल चालकको ज्यान गएको छ ।
प्रहरीका अनुसार झापाको शनिश्चरे नगरपालिका–८ बस्ने मोटरसाइकलमा सवार ५० वर्षीया आशा श्रेष्ठको ज्यान गएको हो ।
शुक्रबार दिउँसो ना.५ ख ७५९६ नम्बरको ट्रकले सिरहाको गोलबजार नगरपालिका ९ चोहर्वास्थित सडकमा प्रदेश ३–०१–०१४ प ५८४३ नम्बरको मोटरसाइकललाई ठक्कर दिँदा दुर्घटना भएको हो ।
ठक्करबाट गम्भीर घाइते भएका मोटरसाइकल चालक श्रेष्ठको उपचारका लागि प्राथमिक स्वास्थ्य केन्द्र मिर्चैया लैजाँदै गर्दा बाटोमै मृत्यु भएको जिल्ला प्ररही कार्यालय सिरहाका प्रवक्ता प्रहरी उपरिक्षक विनोद घिमिरे जनाएको छ ।
उनका अनुसार ट्रक र चालकलाई नियन्त्रण लिई थप अनुसन्धान सहितका कारवाही प्रक्रिया अघि बढाइ सकिएको छ ।
यो विषयमा आफ्नो प्रतिक्रिया दिनुहोस् !