जनकपुरधाम, कात्तिक १५ गते । महोत्तरीमा कौडीले जुआ खेल्ने आरोपमा ३ जना र लागू औषध १ गरी ४ जनालाई प्रहरीले पक्राउ गरेको छ ।
शनिवार एकाबिहानै जिल्लाको मनरासिसवा नगरपालिका–६ बाँसघारीबाट प्रहरीले जुआ खेलिरहेका ३ जनालाई रंगेहात कौडा र ३ लाख ३२ हजार नगद सहित पक्राउ गरेको हो ।
पर्नेमा जिल्लाको मनरासिसवा नगरपालिका–७ का विनोदकुमार साह, सरोजकुमार साह र सन्तोषकुमार साह रहेको जिल्ला प्रहरी कार्यालय महोत्तरीका प्रहरी नायब उपरीक्षक तथा प्रवक्ता प्रकाश विष्टले जनाएको छ ।
उनका अनुसार ३ जना रंगेहात घटनास्थलबाट पक्राउ परेपनि अन्य दुईजना फरार भएका छन् । पक्राउ परेका तीनै जनामाथि जुवा मुद्दामा थप अनुसन्धान भइरहेको जिल्ला प्रहरी कार्यालय महोत्तरीले जनाएको छ ।
त्यस्तै शनिवार दिउंसो करीब ४ बजे सम्सी गाउँपालिका ६ सम्सी बजारबाट चेकजाँचको क्रममा एक युवक पक्राउ परेको हो ।
प्रहरी नायब उपरिक्षक विष्टले दिएको जानकारी अनुसार भारतबाट अवैध रुपमा लागू औषध ल्याइरहेको सूचनाको आधारमा चेकजाँच गर्दा महोत्तरी बर्दिबास नगरपालिका ३ गौरी डाँडा बस्ने २४ वर्षका २४ को रण बहादुर ठारा मगर पक्राउ परेको हो ।
उनको साथबाट नाइट्रोभेट १० ३० पिस, निट्राजेपाम १० पिस र स्पासमो प्रोक्सीभोन २४ पीस ट्याबलेट सहितका लागू औषध बरामद भएको प्रहरीले जनाएको छ ।
यो विषयमा आफ्नो प्रतिक्रिया दिनुहोस् !