लहान, कात्तिक १४ गते । आइएमई लाइफ इन्सोरेन्स कम्पनी लिमिटेड मिर्चैया शाखाले अभिकर्ता तथा एजेन्सी मैनेजरलाई सम्मान गर्दै प्रशिक्षण एवं पुर्नताजगी तालिम समपन्न गरेको छ ।
शुक्रवार कम्पनीले सिरहाको मिर्चैया शाखा कार्यालयको सभाहलमा सम्पन्न सो प्रशिक्षण तथा पुर्नताजगी कार्यक्रममा दर्जनौ अभिकर्ता तथा एजेन्सीहरुको सहभागिता रहेको थियो ।
प्रशिक्षणका साथै कोरोना भाइरस महामारी जस्तता विषम परिस्थितीमा पनि नागरिकप्रति प्रतिवद्व भई कम्पनीको जिम्मेवारी वहन गरेका उत्कृष्ट एजेन्सीहरुलाई सो अवसरमा दोसल्ला ओढाई प्रमाण पत्र सहित सम्मान समेत गरिएको छ ।
कम्पनीका प्रदेश २ प्रमुख रविशंकर सर्राफले व्यक्तिगत कोडको आधारमा उत्कृष्ट व्यापार गरेका एजेन्सी मैनेजर बोधदेव महतो, राम प्रसाद यादव र विनोद कुमार साहलाई सम्मान गरेका हुन । त्यस्तै टिम अन्तर्गत रहेर उत्कृष्ट व्यापार गरेका रोशन साह, गोविन्द महतो, निरज श्रेष्ठ, तुलसी मण्डल र पुनिता महतोलाई समेत सम्मान गरिएको जनाइएको छ ।
कार्यक्रमलाई सम्बोधन गर्दै कम्पनी प्रदेश प्रमुख सर्राफले कोरोना भाइरसको माहामारीमा पनि आहोरात्र खटने बिमा क्षेत्रमा काम गर्ने व्यक्तिहरुको योगदान अमुल्य रहेको बताउंदै १९ वटा कम्पनीका बिच प्रतिस्पर्धा चुनौती रहेकोले यस्ता जटिल परिस्थितिलाई अवसरको रुपमा लिई अगाडि बढेको भने ।
कम्पनी प्रमुख कार्यकारी अधिकृत कवि फुयालले आक्रमक बजारको निति अबलम्वन गरेको बताउदै सो अवसरमा एक घर एक बिमाको नितिको अबलम्वन गर्नु बर्तमान परिस्थितीको आवयश्कता रहेकोमा उनले जोड दिए ।
सो कार्यक्रममा शाखा प्रमुख अनिल कुमार साह, अपरेशन इन्चार्ज विवेक यादव सहित कर्मचारीहरुको उपस्थिती समेत रहेको थियो ।
यो विषयमा आफ्नो प्रतिक्रिया दिनुहोस् !