वीरगञ्ज, कात्तिक १० गते । नेकपा नेता मुकेश चौरसियाको हत्यारालाई छिटोभन्दा छिटो पक्राउ गरेर कारवाही गर्न चौरसिया (बरई) सेवा समिति पर्साले माग गरेको छ ।
समितिले सोमबार एक प्रेस विज्ञप्ति जारी गरी विन्दवासिनी गाउँपालिकामा नेकपाको सपथ ग्रहण कार्यक्रममा भएको झडपमा परी मृत्यु भएका मुकेश चौरसियाको हत्यारालाई कारवाही गर्ने माग गरेको हो ।
विज्ञप्तिमा भनिएको ’घट्नाको ४ दिन बितिसक्दा पनि स्थानीय प्रशाशनले दोषीलाई कारवाही नगर्नु दुःखद र आफैमा लज्जास्पद छ,’ मुलुकको प्रचलित कानुनले गरे अनुसार फौजदारी अपराधको यस घट्नाको मुद्दा दर्ता भइ निस्पक्ष र स्वातन्त्र अनुसन्धान हुनुपर्छ भन्ने हाम्रो दृढ माग रहेको छ ।
अध्यक्ष रमाकान्त प्रसाद चौरसियाद्वारा हस्ताक्षरित सो विज्ञप्तिमा चौरसियाको निधन प्रति श्रद्धाञ्जलि व्यक्ति गर्दै घटनाको सत्यतथ्य पत्ता लगाई दोषीमाथि कडाभन्दा कडा कारवाहीको नगरिए आन्दोलनमा उत्रिने चेतावनी समेत दिएको छ ।
यसअघि नेकपा अध्यक्ष पुष्पकमल दाहाल प्रचण्ड र युवा संघ पर्साले समेत विज्ञप्ति जारी तत्काल दोषीलाई पक्राउ गरी कारवाही गर्न मांग गरिसकेको छ ।
यता नेकपा नेता मातृका यादवले पुर्व सांसद राजकुमार गुप्ता घटनाको मुख्य योजनाकार रहेको कारण प्रहरीले हालसम्म मुद्दा दर्ता नगरेको आरोप लगाएका छन ।
प्रधानमन्त्री केपी शर्मा ओली वा उनका कार्यालयका कुनै मान्छेको निर्देशनमा मुख्य आरोपी राजकुमार गुप्त विरुद्ध मुद्दा लिएको छैन । आरोपित गुप्तालाई पक्राउ गरेपनि प्रहरीले माथिको आदेश रहेको भनी छाडेका आरोप समेत यादवको रहेको छ ।
यो विषयमा आफ्नो प्रतिक्रिया दिनुहोस् !