जनकपुरधाम, कात्तिक ९ गते । नेपाल सरकारको निषेध निर्देशनका बावजूद जनकपुरधाम स्थित राजदेवी मन्दिरमा ८ हजारभन्दा बढी बोकाबली प्रदान भएको छ ।
कोभिड १९ महामारीको मध्यनजर गर्दै यसवर्ष जनकपुरधाम स्थित राजदेवी मन्दिरमा बोकाबली प्रदान नगर्न रोक्दा रोक्दै यतिको संख्या बोकाबली प्रदान गरिएको छ ।
स्थानीय प्रशासनले एक महिना अगावैदेखि सर्वपक्षीय निर्णय अनुसार कोरोना महामारीको दृष्टिगत गर्दै भीडभाड नियन्त्रण गर्न बोकाबली प्रदान नगर्न÷गराउन निर्देशन सहितको सूचना गर्दै आएको थियो ।
तर स्थानीय युवा कमिटीहरुको दबावपछि स्थानीय प्रशासन आफ्ना निर्देशनबाट पछि हटेपछि महाष्टमीको दिन शनिबार साँझ ७ बजेर ५ मिनेटमा सुरु भएको बोकाबली राति ११ बजेर २५ मिनेटसम्म ८ हजार ९ सय ६८ बोकाबली प्रदान भएको छ । यसअघिका वर्षहरुम राजदेवी मन्दिरमा महाष्टमीमा १४ हजारदेखि १५ हजारसम्म बोकाबली हुनेगरेको थियो ।
यस वर्ष कोरोना महामारीका कारण सीमावर्ती क्षेत्र र ग्रामीण क्षेत्रबाट श्रद्धालु भक्तजन आउन नसकेको कारण संख्यामा कमी भएको पूजा व्यवस्थापक महावीर युवा कमिटीका सन्तोष साहले बताएका छन ।
कोरोना महामारीलाई मध्यनजर गरी गृह मन्त्रालयले शक्तिपीठहरुमा भीडभाड गर्न निषेध गरेपनि जनकपुरधाममा स्थानीय प्रशासनको निरिहताका कारण दशैंको घटस्थापना देखि नै बलिप्रदान सहित विभिन्न पूजापाठमा राजदेवी मन्दिर सहितका शक्तिपीठहरुमा हजारौंको भीड हुने गथ्र्यो ।
यो विषयमा आफ्नो प्रतिक्रिया दिनुहोस् !