जनकपुरधाम, कात्तिक ६ गते ।संघीय सरकारले धनुषाका किसानहरु खेतीका लागि सिचाई र कृषि जोन सहितका दिर्घकालिन योजना ल्याउने भएको छ ।
बुधवार धनुषाको कमला नदी क्षेत्रको किसानहरुले आग्रहमा संघीय सरकारका तर्फबाट कृषि तथा पशुपक्षी मन्त्री घनश्याम भुसालले सिचाईका सम्भाव्यता तथा अध्ययनका लागि अनुमगन गरेको छ ।
अनुगमनको क्रममा मन्त्री भूसालले एकीकृत कृषि मोडेल अनुरुप योजना बनाएर कृषि जोनको रुपमा वृहत कार्ययोजना बनाई अघि एकल संघीय सरकारले प्रदेश र स्थानीय सरकार तथा साना किसान सहकारी लगायतको सहकार्यमा बढाउने प्रतिबद्धता जनाए ।
जिल्ला स्थित कमला नदीको वरिपरी रहेका हजारौँ हेक्टर कृषि योग्य जग्गामा उत्पादनका लागि स्थानीय किसानको सहभागिता दिर्घकालिन योजना बनाएर कृषि जोन निर्माण गरिने बताए ।
सो अनुगमनमा सहभागी प्रदेश २ का कृषि, सहकारी तथा भुमी व्यवस्था मन्त्री शैलेन्द्र साहले भने किसानहरुको लागि संघीय सरकारले ल्याउने हरेक योजनामा हाम्रो सहयोग रहने प्रतिबद्धता जनाए ।
उनले भने प्रदेश सरकारले एक्लै किसानहरुको समस्या समाधानका लागि ठूलो आयोजनाहरु संचालन गर्न सम्भव नरहेकोले संघीय सरकारको सहयोग आवश्यक रहेको औल्याउंदै सिचाई र कृषि जोन लगायतका आयोजनामा पर्याप्ट बजेट छुटयाउन आग्रह गरे ।
अनुगमन टोलीमा सहभागी पूर्व स्थानीय विकास मन्त्री रामचन्द्र झाले कमला नदीको कारण हजारौँ जग्गा जमिन नष्ट भएको भन्दै उक्त जमिनमा माछा सुपर जोन सहित केरा खेती, तरकारी खेती, फुल खेती लगायतका विभिन्न पकेट एरिया बनाएर यस क्षेत्रका किसानहरूको जीवनमा समृद्धि ल्याएर समाजवाद स्थापना गर्ने बताए ।
सो अनुगमन तथा अध्ययनका क्रममा प्रदेशसभा सदस्य सत्रुधन महतो, नेकपाका केन्द्रिय सदस्यहरु सुधिर साह, रत्नेश्वर लाल गोइत, रामकुमार शर्मा, कमला नगरपालिकाका राम उद्गार गोइत, जनकनन्दनी गाउपालिकाका अध्यक्ष अब्दुल बारिक, सम्बन्धित मन्त्रालयका सचिव लगायतका व्यक्तिहरुको सहभागिता रहेको थियो ।
यो विषयमा आफ्नो प्रतिक्रिया दिनुहोस् !