जनकपुरधाम, कात्तिक १ गते । जनकपुरधाममा महिन्द्रा मोटरगाडीको सुविधा सम्पन्न अत्याधुनिक शो रुम शनिवारदेखि संचालनमा आएको छ ।
जनकपुरधाम १४ मुजेलियामा रिचा मोटर्स प्रा.लि. नामले संचालनमा आएको सो शो रुमले सेल्स, सर्भिस र स्पेयर पार्टसको विक्री वितरण अधिकृत विक्रेताको रुपमा गर्ने भएको छ ।
शो रुमको विशेषता बारे जानकारी दिदैं संचालक राजेश अग्रवालले भने महिन्द्रा कम्पनीको हेभी गाडी बाहेक स्कारपियो, बोलेरो, टयाक्ट्रर, पिकअप र भ्यान लगायतका गाडीको विक्री वितरणका साथै दक्ष मेकेनिकद्वारा सर्भिंसको व्यवस्था रहेको छ ।
यसका साथै सम्बन्धित गाडीको स्पेयर पार्टसका लागि बाहिर जानु पर्दैन हामी यही शो रुममै उचित मूल्यमा उपलब्ध गराउनेछौं । उनले भने यहाँ गाडीको सर्भिंस अत्याधुनिक मेसिन र दक्ष मेकेनिकबाट छिटोभन्दा छिटो गराएर दिनेछौं ।
शनिवार सामान्य पुजापाठ गरी संचालनमा आएको सो शो रुमले पहिलो दिनमै २ वटा स्कारपियो डिलेभरी गरिसकेको छ भने ५ वटा बुकिंग गरिएको र टयाक्टरका लागि समेत ग्राहकहरु आउने गरेको संचालक अग्रवालले जानकारी दिए ।
कम्पनीका प्रतिनिधि रनवीर यादवले भने यो शो रुम प्रदेश २ मै सबैभन्दा ठूलो र अत्याधुनिक रहेको कारण ग्राहकलाई समयमै राम्रो सेवा दिनेछ । जहाँसम्म यस कम्पनीका गाडीको ग्यारेन्टी र मजबूती कुरा छ त्यो नाम नै काफी छ । महिन्द्रा कम्पनीको सबभन्दा बढी बिक्री हुने गाडी मध्ये स्कारपियो, बोलेरो र टयाक्टरहरु रहेको छ ।
यो विषयमा आफ्नो प्रतिक्रिया दिनुहोस् !