जनकपुरधाम, असोज ३० गते । जनकपुरधाम स्थित आसमान बचत तथा ऋण सहकारी संस्था लिमिटेडको ११ औं साधारण सभा सम्पन्न भएको छ ।
शुक्रवार सम्पन्न सभामा संचालक समितिको तर्फबाट संस्थाका अध्यक्ष महेशकुमार साहले सांगठनिक सहितका आर्थिक वर्ष २०७६/०७७ आयव्यय प्रतिवेदन प्रस्तुत गरेका थिए । सो प्रतिवेदनमा पछिल्लो आ.ब.को आयव्यय सहित चालु आर्थिक वर्षको अनुमानित बजेट समेटिएको छ ।
प्रतिवेदन प्रस्तुत गर्दै अध्यक्ष साहले १ लाख २५ हजारबाट शुरु भएको संस्था हाल ५१ लाख रुपैयाभन्दा शेयर पुँजी आर्जन गरिसकेको जानकारी गराएका थिए । साथै सहकारी मूल्य मान्यतालाई आत्मसाथ गरी विषयगत जिल्ला संघ, केन्द्रिय संघ राष्ट्रिय सहकारी बैंक शेयर गरी ती संस्थाहरुमा लगानी गरिएको जानकारी समेत अध्यक्ष साहले गराएका थिए ।
सो कार्यक्रमलाई सम्बोधन गर्दै जनकपुरधाम उपमहानगरपालिकाका ७ का वडाध्यक्ष जानकीराम साहले सर्वसाधारण र स साना व्यवसायीका लागि सहकारी संस्था निकै लाभकारी रहेको भन्दै निष्पक्ष रुपमा सेवाग्राहीलाई सेवा प्रदान गर्दै सुझाव दिएका थिए ।
कार्यक्रममा जनकपुर उद्योग वाणिज्य संघका वरिष्ठ उपाध्यक्ष जितेन्द्र प्रसाद साह, नेपाली काग्रेस तरुण दलका युवा नेता राकेश विक्रम साह लगायतका उपस्थिति अतिथिहरुले आ आफ्ना धारणा राखेका थिए ।
कार्यक्रममा विभिन्न संघ संस्थासँग आबद्ध प्रतिनिधि, शेयर सदस्यहरु र संस्थाका कर्मचारीहरुलाई खादा लगाई सम्मान गरिएको थियो ।
यो विषयमा आफ्नो प्रतिक्रिया दिनुहोस् !