जनकपुरधाम, असोज २२ गते । कोरोना भाइरस महामारीले रोजगारी गुमाएका धनुषाको गणेशमान चारनाथ नगरपालिका अतिविपन्न तथा गरीब किसानहरुको आयआर्जनका लागि तरकारीको विरुवा (बेर्ना) उत्पादन प्रविधि सहितको कार्यक्रम अघि बढाइएको छ ।
गणेशमान चारनाथ नगरपालिका, यू.एन.डि.पी.र सामुदायिक सुधार केन्द्र धनुषाको संयुक्त साझेदारीमा संचालित परियोजना मार्फत कोराना भाइरस महामारीले रोजगारी गुमाएका स्थानीय अतिविपन्न ७ जना गरीब किसानको आयआर्जनका लागि तरकारी बेर्ना उत्पादन गर्न प्लाष्टिक घरको निर्माण गरिएको छ ।
किसानहरुको तरकारी खेतीका लागि प्लास्टिकका घरदेखि चाहिने सम्पूर्ण सामाग्री साझेदार संस्था सामुदायिक सुधार केन्द्रले सम्पुर्ण सामग्रीहरु सहयोग गरेको छ । सो तरकारी खेतीले लक्षित किसान परिवारको आर्थिक अवस्था उकासिने साझेदार संस्थाहरुको विश्वास रहेको छ ।
प्लास्टिक घरमा तरकारी बेर्ना कसरी उत्पादन गर्ने प्रविधि बारे भन्ने संस्थाले उक्त किसानहरुलाई ५ दिने सिपमूलक तालिम समेत दिएका थिए । किसानहरुले सो प्रविधिवाट हाल प्लाष्टिक घर निर्माण गर्दै वेर्ना उत्पादन कार्य शुरु समेत गरिसकेको छ ।
सामुदायिक सुधार केन्द्र जनकपुर धनुषाका परियोजना संयोजक रामदुलार यादवले सो प्रविधिको उद्देश्य स्वस्थ्य बिरुवा उत्पादन गर्ने रहेको जानकारी दिदैं यसले स्थानिय स्तरमा रहेको तरकारी विरुवाको माँग आपुर्तिमा टेवा पुग्ने र त्यसले विरुवा र तरकारी उत्पादक दुवै लाभान्वित हुने विश्वास व्यक्त गरेका छ ।
हुनत प्लास्टिक घरमा तरकारीको बेर्ना उत्पादन प्रविधिबाट अन्य ठाउँमा किसानहरुले राम्रो आम्दान गरिरहेको बताउंदै संयोजक यादवले गणेशमान नगरपालिकामा समेत किसानहरुलाई तरकारी खेती मार्फत आम्दानीमा सहयोग पुग्ने भने ।
यो विषयमा आफ्नो प्रतिक्रिया दिनुहोस् !