जनकपुरधाम, असोज १७ गते । गत दुईदेखि हराइरहेको अवस्थामा मृत फेला परेको बालकलाई आफ्नै भिनाजुले करणी (बलात्कार) गरी हत्या गरेको रहस्य खुलेको छ ।
हराई रहेको भनिएको धनुषाको धनुषाधाम नगरपालिका वडा नं. ७ किशानपुर बस्ने रामेश्वर सदाका ५ वर्षीय छोरा रुपेश सदालाई अप्राकृतिक करणी गरी हत्या गरेको आरोपमा सबैला नगरपालिका वडा नं. ७ भठिहन बस्ने २२ वर्षीय भिनाजु रामबहादुर सदा पक्राउ परेपछि रहस्य खुलेको हो ।
धनुषा प्रहरीले घटनाको अनुसन्धान गर्दै बालक रुपेशलाई अप्रकातिक करणी गरी हत्या गरेको आरोपमा नातामा उनकै भिनाजु पर्ने रामबहादुरले पक्राउ गरेको छ । रामबहादुरले रुपेशलाई विस्कुट चकलेटको प्रलोभन दिई माछा मार्न लगेको र सोही क्रममा अप्रकातिक करणी गरी बालकले लगाएको कन्दनीले घाँटी कसेर हत्या गरेको भन्ने कुरा प्रारम्भिक अनुसन्धानमा देखिएको प्रहरीले जनाएको छ ।
गत बिहिबार दिउँसो करिब १२ बजेदेखि हराएपश्चात खोजतलास गर्दा शुक्रवार दिउँसो करिब डेढ बजेको समयमा किशानपुर स्थित रहेको कृषी ईट्टा उद्योगको परिसर भित्र रहेको वर्षातको पानी जमेको खाल्डोको डिलमा पात पतिङगरले छोपिएको अवस्थामा शव फेला परेको थियो ।
घटना पश्चात ईलाका प्रहरी कार्यालय धनुषाधामका प्रहरी निरीक्षक र जिल्ला प्रहरी कार्यालय धनुषाका प्रहरी उपरीक्षकको कमाण्डमा खटेको टोलीले मृतकको लाशको मुचुल्का लगायतका प्रारम्भिक अनुसन्धानमा घटनामा संलग्न २२ वर्षीय भिनाजुलाई नियन्त्रणमा लिएको धनुषा प्रहरी प्रवक्ता मकेश्वर मिश्रले जनाएको छ ।
रामबहादुरलाई हिरासतमा राखी थप अनुसन्धान थालेको प्रहरीले कुरा प्रवक्ता मिश्रले जनाएको छ ।
यो विषयमा आफ्नो प्रतिक्रिया दिनुहोस् !