जनकपुरधाम, असोज १६ गते । अख्तियार दुरुपयोग अनुसन्धान आयोगले जलस्रोत तथा सिँचाइ विभाग, ललितपुरका सिनियर डिभिजनल इन्जिनियर (सीडीई) सुरेशकुमार शर्माविरुद्ध भ्रष्टाचार आरोपमा मुद्दा दायर गरेको छ ।
विशेष अदालत काठमाडौंमा दायर गरिएको मुद्दामा सीडीई शर्माले पदमा रहेर भ्रष्टाचार तथा अनियमितता गरी करोडौ रुपैया बराबरको अवैध सम्पत्ति आर्जन गरेको भन्दै अख्तियारको दाबी रहेको छ ।
निजामती सेवामा प्रवेश गरेदेखि हालसम्मको अवधिमा शर्माले ५ करोड ४१ लाख ८६ हजार ६०६ आर्जन गरेकोमा ३ करोड ६ लाख ५४ हजार ९३२ रुपैयाँको स्रोत नखुलेले सोही बराबरको बिगो कायम गरी मुद्दा दायर गरेको हो ।
२०५२ सालदेखि ०५३ सम्म अस्थायी र ०५३ देखि हालसम्म स्थायीरुपमा निजामती सेवामा प्रवेश गरेका र हाल सिँचाइ विभागको सीडीईका रुपमा कार्यरत शर्माले सम्पत्ति श्रीमतीको नाममा पनि रहेको पाइएकोले जफतका लागि उनलाई पनि प्रतिवादी बनाएको अख्तियारले भनाई छ ।
यो विषयमा आफ्नो प्रतिक्रिया दिनुहोस् !