एजेन्सी/मुम्बई, असोज ११ गते । बलिउड अभिनेता सुशान्त सिंह राजपुतसँग आफ्नो प्रेम सम्बन्ध रहेको कुरा अभिनेत्री सारा अलि खानले स्विकारेकी छिन् ।
एनसीबी सँगको सोधपुछमा उनले सुशान्त सिंह आफ्नो सम्बन्ध रहेको तर आफूले ड्रग्स कहिल्यै नलिएको उनले बताईन ।
बलिउड अभिनेता सुशान्त सिंह राजपुतको आत्महत्याको विषयलाई लिएर अहिले सीआईबीसँगै लागुपदार्थ विरुद्धको संस्था एनसीबीले पनि अनुसन्धान गरिहेको छ । सुशान्त आत्महत्या प्रकरणमा नाम जोडिएकी उनकी प्रेमिका रिया चक्रवर्तीसँगको सोधपुछपछि एनसीबीले बलिउडमा लागुऔषधको कनेक्सन पत्ता लगाउन शुरु गरेको हो ।
सोही क्रममा बलिउडका चर्चित अभिनेत्रीहरु दीपिका पादुकोण, सारा अलि खान र श्रद्धा कपुरलाई ड्रग्सको विषयमा एनसीबीले शनिबार सोधपुछ गरेको थियो । भारतीय संचार माध्यमका अनुसार सोही क्रममा सारा अलि खानले सुशान्तसँग प्रेम सम्बन्ध रहेको स्वीकार गरेकी छिन ।
सन् २०१८ मा चलचित्र सुटिङका क्रममा सुशान्तसँग आफ्नो सम्बन्ध रहेको साराले स्विकारेकी हुन् । उनले आफूले सुशान्तले ड्रग्स लिने गरेको देखेपनि आफूले कहिल्यै ड्रग्स प्रयोग नगरेको बताएकी थिइन् ।
श्रद्धा कपुरले पनि आफूले सुशान्तले ड्रग्स लिने गरेको देखेको एनसीबीसँग बताएकी थिइन्। आफूले भने ड्रग्स नलिएको उनको भनाइ थियो । त्यस्तै दीपिका भने सोधपुछका क्रममा तीनपटक भक्कानिएर रोएको बताइएको छ। उनले आफूले ड्रग्स नलिएको एनसीबीसँग बताएकी थिइन् ।
भारतीय संचारमाध्यमका अनुसार दीपिकाले आफूले आफ्ना म्यानेजरसँग ड्रग्सको विषयमा च्याट गरेको स्वीकार गरेकी थिइन् । हाल दीपिका, श्रद्धा र सारा अलिखानको फोनलाई एनसीबीले जफत गरेको छ ।
यो विषयमा आफ्नो प्रतिक्रिया दिनुहोस् !