जनकपुरधाम, असोज ११ गते । पछिल्लो २४ घण्टामा प्रदेश २ मा ९० जना कोरोना संक्रमित थपिएका छन् ।
सामाजिक विकास मन्त्रालयद्वारा सार्वजनिक रिपोर्ट अनुसार आइतवार संक्रमित हुनेहरुमा ५ महिला र ८५ पुरुष रहेका छन् । यो सँगै यस प्रदेशमा संक्रमितको संख्या १३ हजार ३ सय ९३ पुगेको प्रदेश स्वास्थ्य निर्देशनालयका वरिष्ठ जनस्वास्थ्य प्रशासक विजय कुमार झाले जानकारी दिएका छन ।
प्रदेशको सिरहामा ४८, पर्सामा १५, धनुषामा १३, सप्तरीमा ६, बारामा ३, महोत्तरीमा २, सर्लाहीमा १, रौतहटमा १ र जिल्ला खुल्न नसकेका १ जना संक्रमित भएका छन् । प्रदेशमा आईतबारसम्म ११ हजार २ सय ८९ पुरुष र २ हजार १ सय ४ महिला गरि जम्मा १३ हजार ३ सय ९३ जनामा कोरोना संक्रमण पुष्टि भएको जनाइएको छ ।
प्रादेशिक जनस्वास्थ्य प्रयोगशाला जनकपुर, गजेन्द्र नारायण सिंह सगरमाथा अस्पताल राजविराज र नारायणी उपक्षेत्रीय अस्पताल वीरगन्जमा गरिएको परीक्षणमा आईतबार ९० जनाको रिपोर्ट पोजेटिभ आएको वरिष्ठ जनस्वास्थ्य प्रशासक झाले बताए ।
प्रदेशभरीमा आईतबारसम्म सप्तरीमा १७ हजार ६ सय ५०, सिरहामा १० हजार १ सय ४२, धनुषामा १३ हजार ६ सय ६७, महोत्तरीमा ७ हजार ४ सय ३, सर्लाहीमा १३ हजार १ सय ७७, रौतहटमा २२ हजार ६ सय ६३, बारामा ११ हजार ३ सय ४० र पर्सामा २४ हजार ८ सय ९९ गरि जम्मा १ लाख २० हजार ९ सय ४१ जनाको स्वाब परिक्षण गरिएकोमा १३ हजार ३ सय ९३ जना संक्रमित भएका छन् भने १ लाख ४ हजार २ सय ९३ जनाको रिपोर्ट नेगेटिभ आएको छ ।
त्यस्तै सप्तरीमा ६ सय १२, सिरहामा १ सय २०, धनुषामा ४ सय १, महोत्तरीमा ६ सय ८, सर्लाहीमा १ सय ५०, रौतहटमा ३ सय १२, बारामा ५ सय ३५ र पर्सामा ५ सय १७ गरि कुल ३ हजार २ सय ५५ जनाको रिपोर्ट आउन बाँकी रहेको सामाजिक विकास मन्त्रालयले जनाएको छ । यस प्रदेशमा आज मात्रै सप्तरीमा ७८, सिरहामा ७५, धनुषामा ५०, महोत्तरीमा १ सय ४ र रौतहटमा १ सय २२ गरि ४ सय २९ जनाको स्वाब संकलन गरिएको छ ।
प्रदेश २ मा ५ हजार ५ सय १७ संक्रमित मध्ये सबैभन्दा बढी पर्सा जिल्लामा २ हजार ५ सय ४५ जना संक्रमित भएका छन् । धनुषामा १ हजार ९ सय १४, सर्लाहीमा १ हजार ९ सय २, रौतहटमा १ हजार ९ सय २, महोत्तरीमा १ हजार ४ सय २२, बारामा १ हजार २ सय ५८, सप्तरीमा १ हजार २ सय २५ र सिरहामा १ हजार २ सय २५ जनामा कोरोना संक्रमण पुष्टि भएको हो ।
कोरोना संक्रमणबाट प्रदेश २ मा अहिलेसम्म २० महिला र १ सय ७ पुरुष गरि १ सय २७ जनाको मृत्यु भईसकेको मन्त्रालयले जनाएको छ । अहिलेसम्म पर्सामा ४३, बारामा १८, धनुषामा १५, सप्तरीमा १४, महोत्तरीमा १३, सिरहामा १२, रौतहटमा ६, सर्लाहीमा ५ र एकजना भारतीयको कोरोना संक्रमणका कारण मृत्यु भइसकेको मन्त्रालयले जनाएको छ ।
यो विषयमा आफ्नो प्रतिक्रिया दिनुहोस् !