एजेन्सी/भियतनाम, असोज ९ गते । भियतनाममा प्रयोग गरिएको कण्डम बेच्ने आरोपमा एक महिला पक्राउ परेकी छिन ।
समाचार एजेन्सीका अनुसार भियतनामको दक्षिणी भेगमा पर्ने द्युङ प्रान्तस्थित गोदाममा छापा मार्दा प्रयोग भइसकेको कन्डम बेच्न राखिएको अवस्थामा फेला परेको र सो कण्डम बेच्ने ३४ वर्षिय महिलालाई पक्राउ गरिएको स्थानीय प्रहरीले जनाएको छ ।
त्यसरी बेच्न राखिएका ३ लाख २० हजारवटा कन्डम भियतनाम प्रहरीले बरामद गरेको हो । त्यस्तो कन्डम बेचेबापत ती महिलाले प्रतिकिलो ०.१७ अमेरिकी डलर पाउने गरेको प्रहरी समक्ष बताएकी छन् । तर अहिलेसम्म कतिवटा कन्डम बजारमा बेचियो भन्ने स्पष्ट हुन नसकेको भियतनामको सरकारी सञ्चारमाध्यम भीटीभीले जनाएको छ ।
ती कन्डमलाई पहिले पखालिएको अनि लिंगको आकारको काठ प्रयोग गरी नयाँ जस्तै बनाइएको र पुनः प्याक गरी बेच्ने गरिएको पाइएको बीबीसीले जनाएको छ ।
यो विषयमा आफ्नो प्रतिक्रिया दिनुहोस् !