जनकपुरधाम, असोज ७ गते । केही दिनअघि कोरोना संक्रमण उपचारमा अत्यावश्यक रहेका भेन्टीलेटरलाई फैशन भनेका प्रदेश २ का एक मन्त्रीका छोरालाई नै आज भेन्टीलेटरको आवश्यकता पर्न गएको छ ।
सर्लाहीमा आयोजित चिकित्सकहरुसँगको भेटघाट कार्यक्रममा सामाजिक विकास मन्त्री नवलकिशोर साहले अहिले त भेन्टीलेटर फैशन नै भइसकेको जसले पनि भेन्टीलेटर भन्दै आएको छ । कोरोनामा आयुर्वेदको आवश्यकता न कि भेन्टीलेटर भन्ने अभिव्यक्ति दिएका थिए ।
तर संयोगवश उनकै छोरा सप्तरीको हनुमाननगर कंकालिनी नगरपालिकाका मेयर शैलेश कुमार साह कोरोना संक्रमित भई भेन्टीलेटरको आवश्यकता पर्न गएको छ ।
प्राप्त जानकारी कोरोना पोजेटिभ रिपोर्ट आएका मेयर साहलाई कोरोना संक्रमण लक्षण देखिएपछि उपचारका लागि जनकपुरधाम स्थित प्रादेशिक कोभिड १९ अस्पतालमा उपचारका लागि मंगलवार भर्ना गरियो । ज्वरो र श्वाँस प्रश्वासमा समस्या देखिएक मेयर साहलाई निमोनिया समेत भएपछि भेन्टीलेटरको आवश्यकता पर्न गएको कारण थप उपचारका लागि काठमाडौ रेफर गरिएको उपचारमा संलग्न चिकित्सकहरुले बताएका छन ।
प्रादेशिक जनस्वास्थ्य प्रयोगशाला जनकपुरमा मंगलबार गरिएको परीक्षणमा मेयर साह र उनका सवारी चालक समेतमा कोरोना संक्रमण पुष्टि भएको कोभिड अस्पताल जनकपुरका फोकल पर्सन डा.रामदेव चौधरीले जानकारी दिदै भने कोरोना संक्रमित मेयर साहमा निमोनियाको लक्षण देखिएको र भेन्टिलेटरमा राख्नुपर्ने आवश्यकता परेकोले थप उपचारका लागि उनलाई काठमाण्डौस्थित ह्याम्स अस्पताल रेफर गरिएको हो ।
यो समाचार लेख्दासम्म मन्त्रीका छोरा मेयर साहलाई काठमाडौ लगिएको थिएन । बुधवार साँझसम्म एम्बुलेन्सबाट लगिने बुझिएको छ । सप्तरीमा अहिलेसम्म १ हजार १ सय ७५ जना कोरोना संक्रमित भईसकेका छन् भने संक्रमणका कारण ११ जनाको मृत्यु समेत भईसकेको छ ।
मन्त्री साहले भेन्टीलेटरलाई फैशन भनेको अभिव्यक्ति
यो विषयमा आफ्नो प्रतिक्रिया दिनुहोस् !