नयाँदिल्ली, असोज ७ गते । इन्डियन प्रिमियर लिग (आईपीएल) को १३ औँ संस्करणको चौथो खेलमा चेन्नई सुपर किंग्सलाई १६ रनले हराउंदै राजस्थान रोयल्स जीत हासिल गरेको छ ।
यूएईको शारजाहमा खेलिएको खेलमा राजस्थानले प्रस्तुत गरेको २ सय १७ रनको लक्ष्य पछ्याउने क्रममा चेन्नईले ६ विकेट गुमाएर २ सय रन मात्र बनाउन सक्यो ।
राजस्थानको जीतमा सञ्जू सैमसन र स्पीनर राहुल तेवतिया नायक रहे । सैमसनले ३२ बलमा ९ वटा छक्काको मद्दतले ७४ रनको विस्फोटक पारी खेले भने तेवतियाले चेन्नईका तीन महत्त्वपूर्ण विकेट लिए ।
लक्ष्य पछ्याउन उत्रेको चेन्नईलाई ३३ रन बनाएका शेन वाटसन र २१ रन बनाएका मुरली विजयीले राम्रो शुरुवात दिलाए । तर, सातौँ ओभरमा तेवातियाले वाटसनलाई आउट गरे । आफ्नो दोस्रो ओभरको अन्तिम दुई बलमा सैम करण र रितुराज गायवाडलाई आफ्नो निशाना बनाए पछि खेल राजस्थानको पक्षमा पुगेको थियो ।
राजस्थानका लागि कप्तान स्टिभ स्मिथले ४७ बलमा ६९ रन बनाए भने अन्त्यतिर जोफ्रा आर्चरले ८ बल मा चार छक्का सहित २७ रन र राहुलले १० रनको योगदान दिए । आज बुधवार मुम्बई र कोलकताबीच खेल हुनेछ ।
यो विषयमा आफ्नो प्रतिक्रिया दिनुहोस् !