नयाँदिल्ली, असोज ६ गते । बलिउड अभिनेता सुशान्त सिंह राजपुतको मृत्यु प्रकारण छानबीनको क्रममा ड्रग्सकाण्डमा अभिनेत्री दिपिका पादुकोण र दिया मिर्जाको नाम समेत जोडिएको छ ।
नेपोटिज्मबाट सुरु भएको छानविनको क्रममा अभिनेत्री श्रद्धा कपुर र सारा अली खानपछि दिपिका र दिया ड्रग्स मुद्दामा मुछिएको हो । सुशासन्तकी गर्लफ्रेण्ड अभिनेत्री रिया चक्रवती र उनका भाई शोभिक चक्रवती सहित ड्रग्स पेडलर सहित एकदर्जन व्यक्ति जेलमा पुगिसकेका छन ।
नायिका दीपिका पादुकोणले आफ्नी म्यानेजरसँग ड्रग्स मागेको मेसेज एनसीबीको टिमसम्म पुगेको छ । एनसीबीले दीपिकाकी म्यानेजरसहित ४ जनालाई आज सोधपुछका लागि बोलाएको भारतीय मिडियाले उल्लेख गरेका छन् ।
दीपिकाले आफ्नो म्यानेजर करिश्मा प्रकाशसँग ड्रग्स मागेको मेसेज बाहिरिएको हो । म्यासेजमा दीपिकाको कोडनेम ‘डी’ र करिश्माको कोडनेम ‘के’ प्रयोग गरिएको भारतीय मिडियाको दाबी रहेको छ । दिया बारे छानबीन जारी रहेको भारतीय मिडियाले जनाएको छ ।
दीपिकाको नाम सार्वजनिक भएसँगै नायिका कंगना रनावतले उनी ड्रग्स सेवन गरेकै कारण डिप्रेशनमा पुगेको भन्दै ट्विट गरेकी छिन् ।
यो विषयमा आफ्नो प्रतिक्रिया दिनुहोस् !