जनकपुरधाम, असोज ६ गते । धनुषाको क्षिरेश्वरनाथ नगरपालिका वडा नं. २ रमदैयाका रामचन्द्र ठाकुर बरहीलाई बिमा दाबी वापतको एक लाख रुपैया रिलायबल नेपाल लाइफ इन्सोरेन्सले उपलब्ध गराएको छ ।
विमित ठाकुर पारालायसिसले अशक्त भएपछि दुई किस्ता बिमांक रकम मात्र बुझाइएको अवस्थामा लाइफ इन्सोरेन्स कम्पनीको नियम बमोजिम उनलाई मांग दाबी वापत एकलाख रुपैया बराबरको चेक हस्तान्तरण गरिएको हो ।
रिलायबल नेपाल लाइफ इन्सोरेन्स कम्पनी जनकपुरधामका संजयकुमार श्रेष्ठले भूतपुर्व गाविस वडाध्यक्ष राजिन्द्र मण्डल खत्बेको उपस्थितमा अशक्त ठाकुरलाई रमदैया स्थित घरमै पुगेर सो चेक हस्तान्तरण गरेका हुन । कम्पनीले घर दैलोमै गएर सुविधा दिने लिएको निती अनुरुप विमित ठाकुरको घरमा पुगेर चेक हस्तान्तरण गरिएको श्रेष्ठले बताए ।
सो चेक हस्तान्तरण कार्यक्रममा यदि रिलायबल नेपाल लाइफ इन्सोरेन्स कम्पनीका सहकार्य संस्था मुक्तिनाथ विकास बैंकको साना तथा लघु बैंकिंग जनकपुर शाखाका डेस्क प्रमुख अमरकुमार चौधरी र अनुगमन अधिकृत दिनेश निरौलाको उपस्थिति रहेको थियो ।
ठाकुरले मुक्तिनाथ विकास बैंकबाट ऋण लिएका थिए । सो बैंकले ऋणीको सुरक्षा सहितको लिएको अवधारणा अनुरुप ठाकुरले रिलायबल लाइफ इन्सोरेन्स कम्पनीमा एक वर्षअघि बिमा गराएको थियो । तर समयावधि नसक्दिै उनी बिमारीले अशक्त भएपछि इन्सोरेन्स कम्पनीको नियम बमोजिम विमित रकम उपलब्ध कुरा मुक्तिनाथ विकास बैंकका चौधरीले बताएका छन ।
यो विषयमा आफ्नो प्रतिक्रिया दिनुहोस् !