जनकपुरधाम, असोज १ गते । जनकपुरधाममा कोरोना संक्रमणको बढदै गएको अवस्थालाई दृष्टिगत गर्दै जनकपुरधाम उपमहानगरपालिका वडा नम्बर ७ मा ४० बेडको आइसोलेसन निर्माण गरिएको छ ।
वडाको भ्रमरपुराचोकस्थित रामजानकी आधारभूत प्राथमिक विद्यालयमा संचालित क्वारेन्टाईनलाई आइसोलेशनमा परिणत गरी सुविधा सम्पन्न आइसोलेसन बनाइएको हो ।
महेन्द्र नारायण निधि मेमोरियल अस्पताल र सानो पाइलाको संयुक्त सहकाय तथा वडा समितिको सहयोगमा सुविधा सम्पन्न आइसोलेसन सो विद्यालयमा बनाइएको नेबिसंघका बिद्यार्थी नेता सुजित मिश्रले जानकारी दिए ।
उनले भने,‘कोरोना संक्रमणको अवस्था समाप्त नभएकै अवस्थामा सार्वजनिक यातायात संचालनमा आएपछि आगामी दिनमा अझै संक्रमित बढन सक्ने दृष्टिगत गर्दै आइसोलेशन बनाइएको हो ।
सो आइसोलेशन सेन्टरको बिहीवार धनुषाका प्रमुख जिल्ला अधिकारी प्रेम प्रसाद भट्टराई, धनुषाका प्रहरी उपरिक्षक रमेश कुमार बस्नेत, नेपाली काँग्रेस धनुषाका सभापति महेशशंकर गिरी, नेपाली काँग्रेस क्षेत्र नम्बर–३ का सभापति कन्हैया लाल कर्ण, गणेश तिवारी, वडा नम्बर–७ का वडाध्यक्ष जानकीराम साह लगायतका व्यक्तिहरुले अवलोकन गरेका छन ।
यो विषयमा आफ्नो प्रतिक्रिया दिनुहोस् !