जनकपुरधाम, असोज १ गते । जनकपुरधाममा संचालनका लागि किनिएको रेलवेको इन्जिन र बगी सहितको सेट शुक्रवारसम्म ल्याउने भएको छ ।
रेल विभागले कुर्था–जनकपुरधाम तथा भारतको जयनगरसम्म संचालनका लागि भारतबाट किनेको ४ वटा इन्जिन सहित दुई वटा रेल सेट बिहार हाजीपुरबाट ल्याउने तयारी शुरु गरेको हो ।
रेल विभागका महानिर्देशक बलराम मिश्रका अनुसार लामो समयको प्रतिक्षा पश्चात किनिएर नेपालको राष्ट्रिय झण्डाको रंगमा तयार पारेर हाजीपुरमा राखिएको रेल सेट कुनै व्यवधान नभए भोली शुक्रवार ल्याउने तयारी रहेको छ । तर भोलीसम्म नआएपनि एक हप्ता आइपुग्ने छ ।
उनले भने ‘ बाधा व्यवधान केही भएन भने शुक्रबार नै रेलको दूबै सेट प्रकृया अघि बढाएका छौं, दुवै पक्षको समन्वयमा कुनै वाधा व्यवधान रहेपनि एक हप्ताभित्र नेपाल आइपुग्नेछ । हाजीपुरबाट रेल बगी सहितको सेट नेपालसम्म ल्याउन ४ देखि ५ घण्टासम्म लाग्ने छ ।
रेल विभागले कुर्था–जनकपुरधाम –जयनगरसम्म रेल गुडाउनका लागि १ अर्बको लागतमा रेलको बगी तथा इन्जिनहरु खरिद गरेको हो । रेल सेटको निर्माण भारतको मद्रासस्थित रहेको इन्टिग्रल कोक्स नामक कम्पनीले गरेको हो छ भने ती रेल सेटहरुको आपुर्ती कोंकण रेल कर्पोरेशन कम्पनी लिमिटेडले गरेको हो ।
नेपाल भित्रियाइएका रेल सेट उद्घाटन अवधिसम्म सुरक्षा व्यवस्था हेरी जयनगर र वा जनकपुर राखिनेछ । कर्मचारी व्यवस्थापन सहित अन्य व्यवस्था प्रक्रिया पुरा गर्दै कम्तिमा ३÷४ महिना अझै रेल संचालनमा लाग्ने सक्ने महानिर्देशक मिश्रले बताए ।
यो विषयमा आफ्नो प्रतिक्रिया दिनुहोस् !