जनकपुरधाम, भदौ २२ गते । प्रदेश २ का प्रतिपक्षी दल नेपाली कांग्रेसका संसदीय दलका नेता रामसरोज यादवले कोरोना भाइरस महामारी नियन्त्रण गर्न असफल रहेको आरोप लगाएका छन ।
देशमै हटस्पटको रुपमा प्रदेश २ बन्दै गएपनि सरकार विरुद्ध प्रतिपक्षी दल मौन रहेको आरोप लाग्दै आएको बेला नेता यादवले आफूहरु मौन बसेको होइन समय समयमा सरकारलाई सचेत गराउंदै सुझाव दिदै आएका तर बहुमतको दम्भमा बेवास्ता गर्दै आएको भने ।
लोकपुकार सँग कुरा गर्दै उनले भने हरेक समयमा शुरुदेखि जनताको हितमा काम गर्न ध्यानाकर्षण गराउँदा समेत प्रदेश सरकार बहुमतको दम्भ अंधो भई निरीह बनेर बसेको छन ।
कोरोना महामारी नियन्त्रण र रोकथामका लागि मुख्यमन्त्री लालबाबु राउतसँग भेटेरै पटक–पटक ठोस योजनाका साथ अघि बढ्न सुझाव दिएपनि हालसम्म कुनै वास्ता नगरेको आरोप लगाउंदै उनले भने ‘प्रतिपक्षीको हैसियतले हामीले भन्ने मात्रै हो गर्ने÷नगर्ने उहाँहरुमा भर पर्छ ।
परीक्षण बढ्न नसक्दा संक्रमणको दर कम हुन नसकेको भन्दै नेता यादवले पिसिआर मेसिनको संख्या थप्न सुझाव दिएपनि सरकारले झुटा आश्वासन र जनतालाई भुलाउने काम बाहेक अरु केही गर्न नसकेको गुनासो गरे ।
उनले भने ‘दुई साताअघि मुख्यमन्त्री र सामाजिक विकासमन्त्रीलाई भेटेर जाँचको दायरा बढाउन हामीले आग्रह गर्यौँ ,’ यादवले भने, ‘मुख्यमन्त्रीज्यूले सात दिनभित्र सबै जिल्लामा पिसिआर थपिने भन्नुभयो। अहिलेसम्म पिसिआर मेसिनको अत्तोपत्तो छैन ।’
कोरोना संक्रमणले उपचार नपाएर सर्वसाधारणले ज्यान गुमाउनु परिरहे पनि सरकारले महामारीको पाँच महिनाको अवधिमा छुट्टै कोभिड अस्पताल व्यवस्था गर्न नसक्नु र भएका व्यवस्था पनि लथालिंग हुनु भएको दुर्भाग्यपूर्ण रहेको नेता यादवले भनाई छ ।
यथाशीघ्र परीक्षणको दायरा बढाउनुको विकल्प नरहेको भन्दै यादवले ‘मास ट्रेसिङ’ तर्फ ध्यान पु¥याउन सरकारलाई आग्रह गर्दै कोरोना रोकथामका साथै बन्दाबन्दीका कारण प्रभावित आमनागरिकको जीवनयापनतर्फ समेत सरकारले ठोस योजना तर्जुमा गर्न सुझाव दिएका छन ।
प्रदेश २ कोरोना भाइरस संक्रमणको अहिले ‘हटस्पट’ नै बनिसकेको छ । प्रदेशका विभिन्न जिल्ला गरी ११ हजारभन्दा बढी संक्रमित पुष्टि भइसकेका छन् भने सयभन्दा बढी कोरोना संक्रमणबाट मृत्यु भइसकेको छ ।
यो विषयमा आफ्नो प्रतिक्रिया दिनुहोस् !