जनकपुरधाम, भदौ २० गते । कोरोना महामारीका बीच रगत आभावलाई पूर्ति जनकपुरधाममा रक्तदान कार्यक्रम आयोजना गरिएको छ ।
जनकपुरधाम उपमहानगरपालिका वडा नम्बर ७ को आयोजनामा सम्पन्न उक्त रक्तदान कार्यक्रममा ५७ जनाले रक्तदान गरेको जनाइएको छ । रेडक्रस धनुषाको आवश्यकता अनुसार रगत आभाव हुन नदिन वडा कार्यालयको आयोजनामा रक्तदान कार्यक्रम गरिएको कुरा वडाध्यक्ष जानकीराम साहले बताए ।
उनले भने ’हामी गत हप्ता देखी नै आपतकालीन निःशुल्क स्वास्थ्य शिविर अभियान संचालन गरेका थियौ’ यसैबीच रेडक्रससको आग्रहमा विभिन्न १४ वटा संघ संस्था र समाजको सहयोगमा रगत संकलन गर्ने उद्देश्यले रक्तदान कार्यक्रम गरियौं ।
वृहत्तर जनकपुर क्षेत्र विकाष परिषदका अध्यक्ष शालिग्राम सिंहले रक्तदान कार्यक्रमको सराहना गर्दै भने कोरोनाको संक्रमणको बेला पनि यो शिविर संचालन गरेर हिम्मतको काम हो । सिंहले सो अवसरमा रक्तदान कार्यक्रममा सहभागीहरुलाई रगत दिएको भन्दै वृहत्तरको तर्फबाट उच्च कदर गर्दै प्रसंसा पत्र समेत प्रदान गरेका छन ।
रक्तदान कार्यक्रम गरेर समाजको लागि एउटा राम्रो र सरहना कार्य गरेको भन्दै नेपाल चेम्बर अफ कमर्स प्रदेश नम्बर २ संयोजक पवन ठाकुरले २१ हजार र समाजसेवी जनकपुर स्वर्गद्वारी निर्माणकर्ता अभियानी पवन सिंघानियाले ११ हजारको चेक वडालाई सहयोग वापत प्रदान गरेका छन ।
सो कार्यक्रममा माँ जानकी यातायात प्रा.लि. का अध्यक्ष मनोज चौधरी, धनुषा चेम्बरका अध्यक्ष विजय साह, नेपाल रेडक्रस सोसाइटी धनुषाका अध्यक्ष नरेश प्रसाद सिंह लगायत दर्जनौ संघ संस्थाका प्रतिनिधिहरुको उपस्थिति रहेको थियो ।
यो विषयमा आफ्नो प्रतिक्रिया दिनुहोस् !