जनकपुरधाम, भदौ १८ गते । वैश्विक महामारी कोरोना भाइरसको ‘हटस्पट’ रुपमा रहेको प्रदेश २ मा कानून निर्माता प्रदेश सरकार नै कोरोना भाइरस रोकथाम एवं नियन्त्रणको मापदण्ड उल्लंघन गर्दै कानूनको धज्जिया उडाएका छन ।
प्रदेशमा संक्रमणको प्रमुख केन्द्र विन्दु रहेको रौतहट जिल्लामा प्रदेशका मुख्यमन्त्री सहित विभिन्न मन्त्रीको टोलीले एक भव्य कार्यक्रम आयोजना गरी नकुनै सोसल डिस्टान्स न मास्क प्रयोग लगायतका मापदण्ड उल्लंघन गरेका हुन ।
प्रदेशमा १० हजार भन्दा बढी संक्रमित ९८ जनाको ज्यान संक्रमणको कारण गइसकेको अवस्थमा बिहीवार पछिल्लो समय रौतहटको गरुडा नगरपालिका र माधवनारायण नगरपालिकामा भएको हत्या घटनाका पीडित परिवारहरु सँग एक भव्य कार्यक्रम आयोजना गरी भेटघाट गरेका छन ।
भेटघाटका नाममा सयौंको भीड जम्मा गरी मुख्यमन्त्री, कानून मन्त्री, मुख्यनयायाधिवक्ता, प्रदेश सांसद लगायतकाले कोरोनालाई निम्तयाउने गरी भेटघाट गरेका हुन । यसले प्रष्ट हुन्छ कि प्रदेश सरकारमा रहेका मन्त्रीहरुले आफ्नो भोट बैंक सुरक्षित राख्न साहनुभुतिको नाममा कोरोना भाइरस कोरोनो भाइरस निम्त्यिाउने काम गरेका छन ।
निषेधाज्ञाको उल्लंघन गर्दै मापदण्ड विपरित आयोजित सो भेटघाट कार्यक्रममा प्रदेशका मुख्यमन्त्री लालबाबु राउत, आन्तरिक मामिला तथा कानून मन्त्री ज्ञानेन्द्र कुमार यादव, भुमी ब्यबस्था कृषि तथा सहकारी राज्यमन्त्री योगेन्द्र राय यादव, प्रदेश सांसदहरु शेख अबुल कलाम, राम किसोर यादव, बाबुलाल साह, मुख्यन्यायधिबक्ता दिपेन्द्र झा, स्थानीय तहका प्रमुखहरु , सुरक्षा निकायका प्रमुखहरु लगायतका सहभागिता रहेको थियो ।
सो भेटघाट कार्यक्रममा नकुनै सोसल डिस्टान्सको ख्याल गरिएको थियो भने मास्कको समेतको प्रयोग सहभागी आम नागरिकले गरेको थियो । समुदाय स्तरमा कोरोना फैलिसकेको अवस्थामा यस्ता कार्यले थप संक्रमण बढने शंका उपशंका उत्पन्न भएको छ । रौतहटमा मात्र १ हजार ७ सय जनामा कोरोना संक्रमण पुष्टि भइसकेको छ ।
मापदण्ड विपरित कार्यक्रम आयोजना गरिएको जिज्ञासामा आन्तरिक मामिला तथा कानून मन्त्री ज्ञानेन्द्र कुमार यादवले आफूहरुले सर्वसाधारणलाई नबोलाएको तथा उनीहरुलाई कहीँबाट जानकारी भएपछि आफुहरु पुग्दा त्यहाँ भीड़ जम्मा भएको भन्ने प्रतिक्रिया दिएका छन् ।
भेटघाटको क्रममा मुख्यमन्त्री राउतले थुनामा मृत्यु भएका विजय महराको परिवारलाई गरुडा घटना बारे सूक्ष्म छानबिनको लागि आन्तरिक मामिला तथा कानून मन्त्री ज्ञानेन्द्र कुमार यादवको अध्यक्षता उच्च स्तरीय छानबिन समिति गठन भइसकेको र समितिको प्रतिबेदनको आधारमा दोषीलाई कडा भन्दा कडा कारबाही गरिने बताए ।
यो विषयमा आफ्नो प्रतिक्रिया दिनुहोस् !