जनकपुरधाम, भदौ १३ गते । ब्लड क्यान्सरबाट पीडित धनुषाका एक २ वर्षीय बालकलाई उपचारका लागि पिडीत परिवारले आर्थिक सहयोग गरिदिन आग्रह गरेका छन ।
धनुषाको सबैला नगरपालिका–१० निवासी राजेश कापरले आर्थिक अवस्था कमजोर भएको कारण आफ्ना २ वर्षिय छोरा रितिक कापरको उपचार खर्चमा समस्या भइरहेको भन्दै आर्थिक सहयोग गरिदिन हुन आग्रह गरेका हुन ।
रितिकको हाल काठमाडौंको महाराजगञ्जस्थित कान्ति बाल अस्पतालमा उपचार भईरहेको छ उनको उपचारमा करीब १२/१५ लाख रुपैयासम्म खर्च हुन सक्ने चिकित्सकहरुको अनुमान रहेको राजेशले संचारकर्मीहरुसंग कुरा गर्दै जानकारी दिएका छन ।
जन्मिदा स्वस्थ्य जन्मेको राजेशका छोरा रितिकलाई २०७६ चैत ७ गते ब्लड क्यान्सर भएको चिकित्सकले पत्ता लगाएका थिए । चिकित्सकले रितिकलाई तुरुन्तै उपचार गर्ने सुझाव दिएपछि कापर परिवारले जेनतेन रकम जुटाइ रितिकलाई कान्ति बाल अस्पतालमा भर्ना गराएका छन् । रितिक अझैपनि उपचारकै क्रममा छन् ।
अहिलेसम्म जेनतेन गरी नियमित उपचार गराउँदै आएपनि अब उपचारमा ठूलै रकम खर्च हुने भएकाले समस्या भइरहेकोले आर्थिक सहयोग कतैबाट मेरो छोराका ज्यान जोगिन सक्ने भकानिदै भने ।
रितिकको उपचारका लागि काठमाडौंस्थित एभरेष्ट बैंक लिमिटेडमा राजेश कापरको नाममा रहेको खाता नम्बर ०१४००५०१२११३३७ वा ई–सेवा ९८१७६८९२७९ मार्फत रकम जम्मा गरिदिन उनले सबैसँग आग्रह गरेका छन् ।
यो विषयमा आफ्नो प्रतिक्रिया दिनुहोस् !