जनकपुरधाम, भदौ १२ गते । प्रदेश २ सरकारले नसकेपछि महोत्तरीको बर्दिबास नगरपालिकाले आफ्नै लगानीमा प्रयोगशाला निर्माण गरी पीसीआर परीक्षण शुरु गरेका छन ।
दिन प्रतिदिन सक्रमणको जोखिम बढदै गएको दृृष्टिगत गर्दै चालू आर्थिक वर्षको बजेटबाट नगरपालिकाले बर्दिबास स्थित अस्पतालमा रहेको प्रयोशालामै नगरस्तरीय पीसीआर परीक्षणका पीसीआर परिक्षण संचालनमा ल्याएका हुन ।
बर्दिबास नगरपालिकामा कोरोना संक्रमण समुदायस्तरमा फैलिएको भन्दै संक्रमण नियन्त्रण गर्न संक्रमितहरुको सम्पर्कमा आएका व्यक्तिको पहिचान गरि सर्वप्रथम उनीहरुको पीसीआर परिक्षणलाई प्राथमिकता दिएको नगरप्रमुख विदुर कुमार कार्कीले जानकारी दिए ।
आफ्नै आन्तरिक लगानीमा आरटी पीसीआर मेशिन गरिद गरी आफ्ना नगरवासीका लागि बर्दिबास नगरपालिकाले कोरोना संक्रमणको परिक्षण शुक्रवारदेखि नै शुरु गरिएको उनले बताए । अब आफ्नै मेशिन भएपछि एक दिनमै रिपोर्ट आउने उनले बताए ।
यसैबीच लोकपुकार सँग कुरा गर्दै नगरपालिकाका प्रमुख प्रशासकीय अधिकृत रेवती प्रसाद पराजुलीले भने करीब ९० लाखको लागतमा प्रयोगशाला निर्माण गरी आरटी पीसीआर मेसिन जडान गरिएको हो ।
उनले भने चालू आर्थिक वर्षमा एक करोड रुपैया कोरोना संक्रमण जोखिम न्यूनीकरणका लागि कार्यपालिकाको बैठकबाट बजेट छुटयाइएको थियो । सोही बजेट अन्तर्गत आरटी पीसीआर मेसिन जडान गरिएको हो । सो मेसिनबाट एक पटकका ९६ वटा परिक्षण गर्न सक्ने क्षमता रहेको छ ।
अधिकृत पराजुलीले हामी आफ्नो साधन श्रोतबाट मेसिन जडान गरि सकिएका छौं तर संघीय र प्रदेश सरकारले थप जनशक्ति, भीटीएम कीट लगायतका प्राविधिक सहयोग गरिदिए अझ व्यवस्थित ढंगले संचालन हुन सक्ने भने । हाल सो मेसिन संचालन अस्पतालमै रहेको जनशक्तिबाट संचालन हुन लागेको छ ।
यो विषयमा आफ्नो प्रतिक्रिया दिनुहोस् !