जनकपुरधाम, भदौ ३ गते । प्रदेश २ का आन्तरिक मामिला तथा कानून मन्त्री ज्ञानेन्द्र कुमार यादव १५ दिनपछि कोरोना कोरोना संक्रमण मुक्त भएका छन ।
गत साउन २१ गते कोरोना संक्रमित भएका मन्त्री यादव मन्त्रालयकै क्वार्टरमा होम आइसोलेशनमा बस्दै आएकोमा बुधवार रिपोर्ट निगेटिभ आएको हो ।
संक्रमित भएको केहिदिन अघिमात्र उनी काठमाडौं पुगेर प्रधानमन्त्री केपी शर्मा ओली र गृहमन्त्री रामबहादुर थापासँगै उच्चस्तरी बैठकमा सहभागी भएका थिए । मन्त्री यादव संक्रमित भएको कुरा बाहिरिएपछि प्रधानमन्त्री सहित बैठकमा सहभागीले पनि पीसीआर परीक्षण गराएका थिए । तर उनीहरुको रिपोर्ट निगेटिभ आएको थियो ।
कोरोना मुक्त कसरी भएको भन्ने जिज्ञासामा मन्त्री यादवले भने आइसोलेसनमा ‘डब्लुएचओ’को मापदण्ड पालना गरे । स्वास्थ्यकर्मीले दिएको सल्लाह अनुसार अनुशासित भएर आइसोलेसनमा १५ दिन बिताउंदै साँझ, बिहान र दिउँसो पौष्टिक आहार तथा घरेलु तथा आयुर्वेद सामाग्री प्रयोग गर्दा कोरोनालाई जित्न सफल भएको हुँ ।
प्रत्येक दिन ताँतो पानी, दुधमा बेसार मिलाएर खाने गर्थे र दैनिक डेढसम्म व्यायाम गर्नुका साथै स्वास्थ्यकर्मीको सल्लाह अनुसार सबै कार्य गर्दा मलाई कमजोरी पनि भएन बरु झन थप शक्ति बढेर उर्जावान भएको उनले भने ।
कोरोनामुक्त भएपछि मन्त्री यादवले बिहीवारदेखि मन्त्रालयको कामकाज शुरु गर्ने बताएका छन । उनले भने कामको चाप भएको कारण उच्च सर्तकता अपनाउंदै कामलाई निरन्तरता दिनेछु ।
उनले भने आफू संक्रमित भएपनि कुनै लक्षण देखिएको थिएन । म काठमाडौबाट आएपछि एक कर्मचारी संक्रमित भएपछि आफू सहित सबै कर्मचारीको पीसीआर परीक्षण गराउंदा आफ्नो रिपोर्ट पोजेटिभ आएको थियो ।
यो विषयमा आफ्नो प्रतिक्रिया दिनुहोस् !