जनकपुरधाम, भदौ २ गते । जनकपुरधाम उपमहानगरपालिका १६ बाट एक वडाध्यक्षको मोटरसाइकल चोरी भएको छ ।
धनुषाको कमला नगरपालिका ५ का वडाध्यक्ष शिवा पासवानले प्रयोग गर्दै आएको प्रदेश २–०२–००१ ब ००५९ नम्बरको सरकारी मोटरसाइकल जनकपुरधामको जलाध पुल नजिकबाट चोरी भएको बुझिएको छ ।
उनी जनकपुरस्थित घर आएको बेला सोमवार मध्यरातमै मोटरसाइकल चोरी भएको वडाध्यक्ष पासवानले जानकारी दिएका छन । उनले भने औषधी किन्न आएको आफ्नै घर अगाडि लगाएको मोटरसाइकल चोरी हुन गएको हो ।
नयाँ घर भएको कारण मोटरसाइकल घर भित्र नलगी घर अगाडि बाहिरै छाडेका थियौं बिहान उठदा मोटरसाइकल थिएन । सोही दिनदेखि खोजी गरिरहेका छौं जिल्ला प्रहरी कार्यालयमा मौखिक जानकारी गराएका छौं बुधवार निवेदन समेत मोटरसाइकल चोरीको दर्ता गराउने उनले जानकारी दिए ।
पालिकाबाट प्रयोगका लागि दिइएको मोटरसाइकल चोरी भएको जानकारी वडाध्यक्ष पासवानले मंगलवार बिहान गराएको नगरपालिका प्रमुख प्रशासकीय अधिकृत विरेन्द्र कुमार सढानले बताए ।
यता जिल्ला प्रहरी कार्यालय धनुषाले वडाध्यक्षको चोरी भएको मोटरसाइकल जानकारी पाए लगतै खोजी कार्य तिव्र रुपमा गरिरहेको बताएका छन ।
यो विषयमा आफ्नो प्रतिक्रिया दिनुहोस् !