जनकपुरधाम, साउन २९ गते । स्वास्थ्य सेवामा कालाबजारी जारी रहेको क्रममा जनकपुरधाम स्थित अप्पन डेन्टल चेम्बर्सले अब आजीवन निशुल्क दन्त परिक्षण सेवा शुरु गरेको छ ।
स्थापनाकाल देखि नै विभिन्न स्थानमा निशुल्क दन्त शिविर संचालन गरिसकेका अप्पन डेन्टल चेम्बर्सले धनुषाका विभिन्न स्थानीय तहका वासिन्दाका लागि दाँतको विभिन्न समस्याको निशुल्क उपचार तथा दाँत झिक्ने सहितका आजीवन निशुल्क दन्त परिक्षण सेवा शुरु गरेको छ ।
चेम्बर्सका संचालक अजय शाहले आफ्ना हजुर बुवा र हजुर आमाको नाममा स्थापना गरेको रामसती देवी असर्फी साह सेवा प्रतिष्ठान मार्फत जिल्लाका हंसपुर नगरपालिका, क्षिरेश्वरनाथ नगरपालिका, मिथिलाबिहारी नगरपालिका, मिथिला नगरपालिका, सबैला नगरपालिका र धनुषाधाम नगरपालिकाका लागि गत ४ महिनादेखि निशुल्क दन्त परिक्षण सेवा जारी राखेका छन ।
विश्वभरि फैलिएको कोरोना भाइरस महामारीको जोखिम मोल लिएर हाल चेम्बर्सले सर्तकताका साथ सुरक्षा सामाग्रीको प्रयोग गर्दै अस्पताल रोड स्थित आफ्ना क्लिनिकमा स्थानीयलाई निशुल्क दन्त परिक्षण गर्दै आएका छन । सो निशुल्क दन्त परिक्षण सेवामा दाँत परिक्षण तथा दाँत झिकाउन सम्बन्धित स्थानीय तहका स्थानीय दिनहुँ आउने गरेका छन ।
चेम्बर्सका संचालक शाहले जनाए अनुसार सो प्रतिष्ठानद्वारा जिल्लाका धनुषाधाम नगरपालिकाको वडा नम्बर १, २, ५, ६, ७, ८ र ९, हंसपुर नगरपालिकाको वडा नं. २, ३, ५, ७ र ८, क्षिरेश्वरनाथ नगरपालिकाको वडा नं. ८ र ९, मिथिलाबिहारी नगरपालिकाको वडा नं. १, ३, ४ र ५, सबैला नगरपालिकाको वडा नंं ११ तथा मिथिला नगरपालिकाको वडा नंं. ४ का स्थानीयवासीका निशुल्क दन्त परिक्षण कार्यक्रम संचालन गरिएको हो ।
रामसती देवी असर्फी साह सेवा प्रतिष्ठानद्वारा प्रदान गरिने निशुल्क दन्त परिक्षण कार्यक्रम मार्फत विभिन्न स्थानीय तहका मंगलपुर, काशीपुर, धनुषा गोविन्दपुर, किसानपुर, मुलाबारी, धारापानी, हरिपुर, मालटोल, पर्वता, नौसय विग्घा, ईच्छापुर औरहाटोल, दिगम्बरपुर, पुष्पवलपुर, भूतही पटेर्वा, मिथिलेश्वर मौवाही, ललिया, कजरा रमौल, ईनर्वा, रमनगरा, झटियाही, बघचौडा, कठपुल्ला, सुगानिकास, नौवाखोर परसाहीका स्थानीयवासी निशुल्क दन्त परिक्षण लाभ उठाउंदै आएको बताइएको छ ।
निशुल्क दन्त परिक्षणमा सेवाग्राहीलाई दक्ष चिकित्सक तथा स्वास्थ्यकर्मीद्वारा अत्याधुनिक मेसिनबाट चेकजाँचका साथै दाँत उखाल्ने, दाँत भर्ने, आरसीटी, सफा गर्ने लगायतका सेवा प्रदान गरिदै आएको संचालक शाहले जानकारी दिए । आजीवन निशुल्क सेवा दिने जिल्ला मात्र होइन देशमै पहिलो डेन्टल क्लिनिक रुपमा अप्पन डेन्टल चेम्बर्स स्थापित हुन गएको छ ।
सो अप्पन डेन्टल चेम्बर्समा काठमाडौका विभिन्न स्थानमा कार्यरत वरिष्ठ चिकित्सकहरु प्रो.डा. सितुलाल श्रेष्ठ, डा. सरोज श्रेष्ठ र जनकपुरका डेन्टल सर्जन डा. सुमन कर्ण लगायतले समेत सेवा प्रदान गर्दै आएको छ ।
नेपाल डेन्टल एशोसिएनका केन्द्रिय कोषाध्यक्ष समेत रहेका डा. अजय शाहले बिना कुनै संघ संस्थाको सहयोगमा आफ्ना हजुर बुवाआमाको नाम स्थापित प्रतिष्ठानद्वारा निजी खर्चमा धनुषा सहित विभिन्न जिल्लामा दर्जनौ पटक निशुल्क दन्त शिविर संचालन पश्चात अब दर्जनौ गाउँका स्थानीयलाई आजीवन निशुल्क सेवा दिने प्रयास शुरु गरेका छन ।
जिल्लामै पहिलो दर्ता रहेको अप्पन डेन्टल चेम्बर्समा अत्याधुनिक मेसिन सहित कम्प्यूटराईज प्रविधिद्वारा दन्त उपचार गर्दै आएको छ । अप्पन डेन्टल चेम्बर्सको अर्को शाखा काठमाडौमा समेत अप्पन डेन्टल क्लिनिकको नाममा संचालन रहेको छ ।
यो विषयमा आफ्नो प्रतिक्रिया दिनुहोस् !